کەنەدا بریار دا ئالایێ کوردستانێ ل سەر مللێن سەربازێن وێ بمینیت
وار
کەندا بریار دا ئالایێ کوردستانێ ل سەر جل و بەرگێن وان سەرباز و شیرەتکاران بھێلیت یێن ل ھەرێما کوردستانێ مەشق و راھێنانان ب ھێزێن پێشمەرگەی دکەن.
جۆناسان ڤانس فەرماندەیێ سوپایێ کەنەدا راگەھاند؛ وەک پشتەڤانی بۆ ھەرێما کوردستانێ ل رووبرووبوونا رێکخستنا تیرۆریا داعشێ، کەنەدا بڕیار دا ئالایێ کوردستانێ ل سەر جل و بەرگێن سەرباز و شیرەتکارێن کەنەدی بھێلیت یێن ل ھەرێما کوردستانێ مەشق و راھێنانان ب پێشمەرگەی دکەن.
جەنەرالێ کەنەدی ئاشکرا ژی کریە، نابیت ئەڤ پێنگاڤا سوپایێ کەنەدا، وەسا بھێتە تەماشە کرن کو پشتەڤانیێ ل سەرخوەبوونا ھەرێما کوردستانێ دکەت، لێ ب بۆچوونا شارەزایان رامانا وێ پشتەڤانیێ ل سەرخوەبوونا کوردستانێ.
ئەڤ بریارا سوپایێ کەنەدا ل دەمەکی دھێت کو بەریا چەند مەھان، ھەژمارەیەکا وێنەیێن سەربازێن وێ بەلاڤ ببوون و ئالایێ کوردستانێ ل سەر جل و بەرگێن وان بوو، ڤێ چەندێ ژی حکومەتا ئیراقێ تورەکربوو کو کەنەدا پشتەڤانیێ ل سەرخوەبوونا کوردستانێ دکەت.
تُتاح هذه الصورة أيضا في: کوردی