كهسێ روودانا دوهی ل ئهلمانیا ئهنجام دای ئیرانی بوو
ئهڤرۆ نیوز:
پۆلیسێن میونشن ئهڤرۆ رۆژا شهمبی ئاشكهرا كر كو ئهنجامدهرێ هێرشا سهر بازاركهران ل وی باژێری گهنجهكێ ئهلمانی یێ نهژاد ئیرانی بوویه و پشتی روودانێ خوه كوشتیه.
هۆبرتۆس ئهندریا فهرماندێ پۆلیسێن باژێرێ میونشن، ئهڤرۆ د كۆنگرهكێ رۆژنامهڤانی دا دهربارهی هێرشا دوهی رۆژا ئهینی راگههاند: ب گۆرهی ڤهكولینێن دهسپێكی هێرشكهر گهنجهكێ 18 سللی یێ ئهلمانی بوو ب نهژاد ئیرانی و ماوێ دو سالایه ل ئهلمانیا یێ بنهجهه.
فهرماندێ پۆلیسێن میونشن د كۆنگرهكێ رۆژنامهڤانی دا ئاماژه ب وێ چهندێ ژی كر كو ئهو كهنجێ بریتانی یێ هێرش ئهنجام دای چو بهلگهیهك ل گهل نینه كو كهسێن دی هاریكاریا وی كریه و تهقه ژی د رێیا ب كارئینانا دهبانجێ بوویه و چهكێ مهزن ڤێ نهبوویه، بهلێ ههتا نوكه ئهگهرێ ل پشت روودانێ بۆ پۆلیسان ئاشكهرا نهبووینه و پێشتر ئهو كهس جهێ گۆمانا پۆلیسان نهبوویه، پێزانین ژی ل سهر خێزان و كهسوكارێن وی ب دهست نهكهفتیه.
هێرشكهر ل دهمێ نێزیكی خوارنگهههكا باژێرێ میونشن بووی، ب لهز دهست ب تهقێ كریه و پاشان بهر ب سهنتهرێ بازاركرنێ ڤه ب تهقێ چوویه و پاشان رهڤیه. ههر وهكو پۆلیسان گۆتی.
ب گۆرهی دووماهی ئامارێن روودانێ، 10 كهس هاتینه كوشتن و 16 كهس ژی بریندار بووینه و هێرشكهری خوه ژی كوشتیه، بهلێ هێشتا پۆلیسان ناسنامێن قوربانیێن روودانێ ئاشكهرا نهكرینه.
تُتاح هذه الصورة أيضا في: کوردی