بارزانی و مەهدی زانا ژ بارودۆخی باکوورێ کوردستانێ نیگەرانن
رووداو – هەولێر
بارزانی پێشوازی لە سیاسەتمەدار و نووسەری باكووری کوردستان مەهدی زانا دەكات، هەردوولا نیگەرانی خۆیان لەبەرامبەر دۆخی ئەمنی و ئابووری باکووری کوردستان دەردەبڕن.
رۆژی یەكشەممە 24ـی 7ـی 2016 لە سەڵاحەدین، مەسعود بارزانی، سەرۆكی هەرێمی كوردستان لەگەڵ سیاسەتمەدار و نووسەری باكووری كوردستان مەهدی زانا کۆبووەوە.
بەپێی ماڵپەڕی فەرمی سەرۆکایەتیی هەرێمی کوردستان، بارزانی “پێزانینی بۆ تێكۆشەری و ماندووبوونی مەهدی زانا هەبووە لە قۆناخە جیاجیاكانی خەباتی نەتەوەییدا و دەستخۆشی لە كار و چالاكییەكانی كردووە و رۆڵی ئەوی بەرزنرخاندووە”.
لە دیدارەکەدا باس لە بارودۆخی سیاسیی توركیا و كۆسپەكانی بەردەم خەباتی نەتەوەیی و دیموكراسی كورد كراوە و هەردوولا نیگەرانی خۆیان بەرامبەر بارودۆخی ئەمنی و ئابووریی گەلی كوردستان لە باكوور نیشانداوە.
هەر لە دیدارەكەدا رۆشنایی خراوەتە سەر ئایندەی كوردستان و بیروڕا لەبارەی هەنگاونان بەرەو پیادەكردنی مافی دیاریكردنی چارەنووس لە باشووری كوردستان ئاڵوگۆڕ كراوە.
تُتاح هذه الصورة أيضا في: کوردی