ئهلمانیا: د پهقینهكێ دا كهسهك هاته كوشتن، 12 برینداربوون
وار
پهقین و كریارێن كوشتنێ ل ئهلمانیا بهردهوامن، و شڤێدی ژی خوهكوژهكێ سووری، وهلاتیهكێ ئهلمانیا كوشت و 12 وهلاتیێن دی برینداركرن.
درهنگییا شڤێدی، ل ڤیستهڤالهكا موزیكێ ل باژێرێ ئانسباخ یێ گرێدای كانتۆنا باڤاریا، گهنجهكێ سووری یێ تهمهن 27 سالی، كو بۆمبهیهك بخوهڤه گرێدابوو، خوه پهقاند، د پهقینێ دا، وهلاتییهكێ ئهلمانی هاته كوشتن، 12 وهلاتیێن دی برینداربوون و رهوشا ههژمارهكا برینداران گرانه.
پۆلیسێن ئهلمانیا دا زانین بڕیاربوو، دو هزار و 500 كهس ل وێ ئاههنگێ بهرههڤ ببن، بهری خوهكوژ بگههیته هۆلا ئاههنگێ خوه پهقاندییه. ل دووڤ زانیاریێن پۆلیسێن ئهلمانیا، ئهو گهنج پهنابهرهكێ سووری بوویه، پێشتر ژی دو جاران بزاڤا خوه كوشتنێ كریه. وهزارهتا ناڤخۆ یا ئهلمانی ژی راگههاند، هێشتا گهفا هێرشان لسهر ئهلمانیا مایه.
شهڤا دی ژی، ژنهكا ئهلمانی ژلایێ گهنجهكیڤه هاتبوو كوشتن، دو وهلاتیین دی هاتبوونه برینداركرن، ههفتیا بۆری ژی ژلایێ گهنجهكێ ئیرانی، ل باژێرێ میۆنشن یێ ئهلمانی 10 كهس هاتنه كوشتن، 35 كهسێن دی برینداربوون، ل 18 ڤێ مههێ ژی ل باژێرێ ڤۆلسبێرگ، گهنجهكێ ئهفغانی ب بڤری هێرش كره سهر سوارێن شهمهندهفرهكێ، ههژمارهكا وان بریندار كربوون.
تُتاح هذه الصورة أيضا في: کوردی