فەرماندەیەكێ پێشمەرگەى: ههتا سنوورێ راستەقینەيێ كوردستانێ ناسهكنين
باشیك-KDP.info-
بەرپرسی میحوەری باشیك دەڵێ: “سنووری راستەقینەی كوردستان لە كوێ بێت، تا ئەوێ ناوەستین، هەر جێگایەك هەر دوژمنێكی لێ بێت، دەبێ ئازادی بكەین، جا ئەگەر هێزی عێراقیش بێت، ئەو شوێنانەیشی كە رزگارمان كردوون، هەرگیز بە هێزی عێراقییان نادەینەوە”.
(حەمید ئەفەندی)، بە ماڵپەری فەرمیی پارتی دیموكراتی كوردستانی راگەیاند: “سنوری راستەقینەی كوردستان لە كوێ بێت، تا ئەوێ ناوەستین، جا هەر جێگایەكی كوردستان هەر دوژمنێكی لێ بێت یان هەر بێگانەیەك بە خاكی كوردستان لەوێدا بێ، دەبێ ئازادی بكەین، جا ئەگەر هێزی عێراقیش بێت.”
پێوەست بە شەڕی چاوەڕوانكراوی مووسڵ، بەرپرسی میحوەری باشیكی هێزی پێشمەرگە گوتی:”لە شەڕی مووسڵدا دەبێ هەماهەنگیی تەواو لە نێوان هێزی پێشمەرگە و ئەو هێزانەی تردا هەبێت كە شارەكە ئازاد دەكەن، ئێمە وەكو هێزی پێشمەرگەی كورستان بە گوێرەی پلانەكانمان ناچینە ناو شاری مووسڵەوە و كارمان پێیدا نییە و ئەركی هێزە عێراقییەكانە، بەڵام لە ناوچەكانی تر تا دەوروبەری زێ، سنووری راستەقینەی هەرێمی كوردستانە و ئازادی دەكەین.”
ئەو فەرماندەیەی هێزی پێشمەرگە گوتیشی: “هەر شوێنێك هێزی پێشمەرگە ئازادی كردبێت و خاكی كوردستان بێت، هەرگیز نە بۆ عێراق و نە بۆ هیچ دوژمنێكی تری جێ ناهێڵین و دەبێ هەر هێزی پێشمەرگەی لێ بێت.”
تُتاح هذه الصورة أيضا في: کوردی