ئاوارە دخوازن دەست ب ئاڤەدانكرنا شنگالێ بێتە كرن
تۆرا لالش یا راگەهاندنێ
پشتی هێزێن پێشمەرگەی قەزا شنگالێ رزگاركری و ژ ئەگەرێ كریارێن تیرۆرستێن داعشێ ژێرخانەیا وێ هاتیە وێرانكرن،لگەل بۆرینا دوو سالان ل سەر كارەساتێ ئاوارە دخوازن دەست ب ئاڤەدانكرنا قەزایێ بێتە كرن و پرۆژە لێ بێنە دروستكرن.
ئاوارەیێ شنگالێ(مەروان حەجی)بۆ رۆژنامەیا دەنگێ لالش دیاركر،كێمیا پرۆژەیێن خزمەتكاری ل شنگالێ ئەگەرەكە نەزڤرم بۆ سەر جهێ خۆ،داخوازێ ژ جهێن پەیوەندیدار دكەم لەزێ بكن دئاڤەدانكرنا قەزایێ دا و رۆلێ خۆ باشتر ببینن و لگەل بۆرینا دوو سالان ل سەر كارەساتێ دەست ب دروستكرنا پرۆژەیێن سەرەكی بۆ وەلاتیان بكن.
دیسان(حسێن حەجی) ئاوارەیەكێ شنگالێ یە بۆ دەنگێ لالش دبێژت:كێمیا پرۆژەیێن خزمەتكاری یێن دەستپێكی ئەگەرەكێ دییە خەلك نەزڤرت سەر مالێن خۆ،لەورا هیڤی خوازم دەست ب دروستكرنا پرۆژەیان و ئاڤەدانكرنا شنگالێ بێتە كرن،ژبەركو ژێرخانا قەزایێ ل سەر دەستێ تیرۆرستێن داعشێ هاتیە وێرانكرن.
تُتاح هذه الصورة أيضا في: کوردی