حكوومەتا ناڤەندی كار بۆ دووركرنا شنگالێ ژ هەرێما كوردستانێ دكت
تۆرا لالش یا راگەهاندنێ
سەرۆكێ جڤاتا قەزا شنگالێ ئاشكەراكر،كو حكوومەتا ناڤەندی شنگال كریە گۆرەپانا ناكۆكیێن سیاسی و ب ناڤ و نیشانێن جودا جودا پشتەڤانیا گرۆپێن چەكدار ل قەزایێ دكت ،بۆ دروستكرنا بەلبەلێ و فتنێ و دووركرنا شنگالێ ژ هەرێما كوردستانێ.
وەیس نایف،بۆ رۆژنامەیا دەنگێ لالش خویاكر،پشتی بۆرینا دوو سالان ل سەر داگیركرنا شنگالێ ژبال رێكخراوا داعش یا تیرۆرستی ڤە،پشتی پتری هەفت هەیڤان هاتە رزگاركرن ژلایێ هێزێن پێشمەرگەی و فەرماندا شنگال و ب پشتەڤانیا فرۆكەیێن هەڤپەیمانان و ب سەرپەرشتیا راستەوخۆیا سەرۆكێ هەرێما كوردستانێ(مەسعوود بارزانی)،دەمێ داعشێ ب سەر قەزایێ دا گرتی و سەرەدەریەكا درندانە لگەل خەلكێ شنگال كری ژ قركرنا بكۆم و گرتن و سەبیكرنا كچ و ژنان ژ ئاینێ ئێزدیان ب تایبەتی و ژناڤبرنا ژێرخانەیا وێ و گۆت:((هێشتا شنگال دەڤەرەكە سەربازی یە و هندەك گوند و كۆمەلگەه و ناوچەیێن وێ دبن كۆنترۆلا داعش دانە و سەرەدەریا دوو رووی ژبال حكوومەتا ناڤەندی و سەرەدەریكرنا وێ لگەل دۆسەیا شنگال و كارەساتا وێ و شنگال كریە گۆرەپانا ناكۆكیێن سیاسی،ئەو ژی ب رێیا پشتەڤانیكرنا گرۆپێن چەكدار و ب ب ناڤ و نیشانێن جودا جودا پشتەڤانیا گرۆپێن چەكدار ل قەزایێ دكت ،بۆ دروستكرنا بەلبەلێ و فتنێ و دووركرنا شنگالێ ژ هەرێما كوردستانێ،زێدەباری تەرخان نەكرنا بوودجەیێ بۆ ئاڤەدانكرنا هندەكێ ژ ئەوا تیرۆرستان ژناڤبری،ئەڤە هەموو ئاستەنگ بوون ل بەردەم ئاڤەدانكرنێ)).
نایف زێدەتر گۆت:ل نێزیك هەموو دەڤەرێن شنگالێ یێن ماین دێ ئێنە رزگاركرن،پشتی هنگێ دێ دەست ب ئاڤەدانكرنێ ئێتە كرن.
تُتاح هذه الصورة أيضا في: کوردی