ئۆپزسیۆنێ شه‌ڕی كونترۆلكرنا ته‌ماما باژارێ حه‌له‌بێ راگه‌هاند
وار
ئۆپزسیۆنا سووری، ده‌ستپێكرنا شه‌ڕی كونترۆلكرنا ته‌ماما باژارێ حه‌له‌بێ راگه‌هاند، پشتی چه‌كدارێن وێ ته‌ماما دۆرپێچا سه‌ر باژاری شكاندی.
روانگه‌ها سووری یا مافێن مرۆڤی راگه‌هاند؛ شه‌رێ هێزێن حكومه‌تێ و گرۆپێن سه‌ر ب ئۆپزسیۆنا سووری ڤه ل باشۆر و باشۆرێ رۆژئاڤایێ باژارێ حه‌له‌بێ به‌رده‌وامه و هێزێن سوپایی سه‌نگه‌رێن خوه ل ده‌ردوورا كولیژا سه‌ربازییا حه‌له‌بێ داناینه و به‌رده‌وام ئه‌و و ئۆپزسیۆن تۆپبارانا هه‌ڤ دكه‌ن و فرۆكه‌یێن شه‌ڕكه‌ر ژی، جهێن تیرۆرستان ل باژاری بۆمبه‌باران دكه‌م.
ل گۆری راگه‌هاندنا روانگه‌هێ، ئه‌ڤرۆ گرۆپێن سه‌ر ب ئۆپزسیۆنا سووری ڤه، ده‌ستپێكرنا قۆناغا داویێ یا شه‌ڕی كونترۆلكرنا ته‌ماما باژارێ حه‌له‌بێ راگه‌هاندییه.
ئه‌ڤه ژی د ده‌مه‌كی دایه كو به‌ریا دو رۆژان چه‌كدارێن ئۆپزسیۆنێ شیابوون دۆرپێچا سه‌ر باژارێ حه‌له‌بی ب ته‌مامی بشكینن.
تُتاح هذه الصورة أيضا في: کوردی