په‌یڤدارێ كازمی: بكه‌رێن هێرشا ل سه‌ر هێزێن پێشمه‌رگه‌ى دێ سزا ده‌ین
گاڤ نیوز
په‌یڤدارێ فه‌رماندارێ گشتی یێ هێزێن چه‌كدار ل ئیراقێ مسته‌فا كازمی، هێرشا ل سه‌ر هێزێن پێشمه‌رگه‌ى یا ژ ئالیێ په‌كه‌كێ ڤه هاتیه كرن شه‌رمزار كر.
لیوا یه‌حیا ره‌سوول د به‌یانه‌كێ دا دیاركر: ئه‌و ب توندی هێرشا ترسنوكانه یا ل سه‌ر هێزێن پێشمه‌رگه‌ى ل چیایێ مه‌تینی ل پارێزگه‌ها دهۆكێ ژ ئالیێ گرۆپه‌كێ چه‌كدار یێ نه ئیراقی هاتیه كرن شه‌رمزار دكه‌ن و سه‌ره‌خۆشی ل مالباتێن شه‌هیدان كر و داخوازا سلامه‌تیێ ژى بۆ برینداران خواست.
هه‌روه‌سا گۆت: هێزێن ئێمناهیێ ده‌ست ب لێكۆلینان كریه و هه‌ر ئالیه‌كێ ده‌ستدرێژیێ كربیته سه‌ر خینا ئیراقیان و ئێمناهییا وێ دێ گه‌هیته سزایێ خۆ.
تُتاح هذه الصورة أيضا في: کوردی