ب چاڤدێریا شێخ شامۆ 117قوتابیێن شنگالێ هاتنە خەلاتكرن
تۆرا لالش یا راگەهاندنێ
ب چاڤدێریا”شێخ شامۆ”سەرۆكێ دەستەیا بلندا بنگەهێ لالش ل دهۆكێ ب هەڤکاری دگەل بنگەهێن لالش تایێن سنوون و شنگالێ،ئیرۆ 13ئابا 2016، درێورسمەكێ دا 117قوتابیێن شنگالێ و سنوونێ یێن قۆناغا شەشێ ئامادەیی یێن تێكرایێ 90%وپێهەل دا ب دەست خۆ ڤە ئیناین هاتنە خەلاتكرن.
دپەیڤەكێ دا،سەرۆكێ دەستەیا بلندا بنگەهێ لالش پیرۆزباهی و دەست خۆشی ل قوتابیان كر بۆ ب دەست ڤە ئینانا ڤان تێكرایان سەرەرای كاودانێن تێرا دەرباز دبن،ئاماژەكر كو قوتابی پاشەرۆژا مەنە و ل داهاتی ئەو دێ خزمەتکار و پێشرەوێ مللەتێ خۆ بن ب زانست و بسپۆریێن خۆ،هەروەسا بەحسێ رەوشا سیاسی ب گشتی و یا ئێزدیان ب تایبەتی كر و چەند ئامۆژگاری ژی پێشكێشی قوتابیان كرن.
دبەشەكێ دی یێ پەیڤا خۆ دا”شێخ شامۆ”گۆت:”بنگەهێ لالش پرۆژەیەكێ كەمپینەیەكێ (مخیم)بۆ قوتابیان هەیە،ژبۆ پێگەهاندنا قوتابیێن ئێزدی،پێشنیار کر ئەڤ کەمپین بۆ ڤان قوتابیێن ئاست بلند بت و قوتابی ژی ب ڤێ پێنگاڤێ کەیف خۆش بوون.
پاش فلمەكێ دكیۆمێنتی ل سەر چاوانیا ڤەگۆهاستنا قوتابیێن ئێزدی بۆ زانكۆو پەیمانگەهێن هەرێمێ هاتە نمایشكرن،كو تێدا رۆلێ بنگەهی و ئەو ئاستەنگێن تووش دبتێ ل سەر ڤەگۆهاستنا قوتابیان هاتنە بەرچاڤكرن.
ل دووڤ دا 117قوتابیێن شنگالێ و سنوونێ یێن قۆناغا شەشێ ئامادەیی یێن تێكرایێ 90%وپێهەل دا ب دەست خۆ ڤە ئیناین هاتنە خەلاتكرن.
ل داویا رێزلێنانێ،قوتابیا كچ” بەسمە ئلیاس” كو بلندترین تێكرا (۱٠۱،۱)ب دەست خۆڤە ئینابوو پشتی هاتیە خەلاتكرن،سوپاسیا بنگەهێ لالش كر بۆ پشتەڤانیكرنا قوتابیان و تێكرایێ خۆ ژی كرە دیاری بۆ برایێ خۆ یێ گرتی یێ دوو سالان د دەستێ تیرۆرستێن داعشێ دا.
هێژایی گۆتنێ یە ل دووڤ وی بەرنامەیێ دەستەیا بلندا بنگەهێ لالش ل دهۆكێ دارشتی بۆ رێزلێنانا قوتابیێن سەركەفتی،هەتا نۆكە پتری 600قوتابیێن سەركەفتی یێن سالا خووندنێ 2015_2016خەلاتكرینە.
تُتاح هذه الصورة أيضا في: کوردی