حهسهكه: فرۆكهیێن رژێما سووری تاخێن كوردان بۆمبهباران دكهن
وار
شهڕ و ئالۆزی ل باژێڕێ حهسهك یێ رۆژئاڤایێ كوردستانێ دناڤبهرا هێزێن كوردی و هێزێن رژێما سووری بهردهوامن، هێزێن رژێمێ فرۆكه راكرینه و تاخێن كوردان بۆمبهباران دكهن.
ئاژانسا هاوار یا نوچهیان دا زانین، پشتی ل دو رۆژێن بۆری شهڕ و پێكدادان دناڤبهرا هێزێن ئاسایشا رۆژئاڤایێ كوردستانێ و هێزێن رژێما بهعسا سووری پهیدابووین، ئهڤرۆ سهر ژنوو شهڕ و پێكدادانان دهستپێكر.
وێ ئاژانسا نێزیك پهیهدێ دا زانین ژی، هێزێن رژێمێ تاخێن كوردان ب تۆپێن گران دكهنه ئارمانج، ژلایهكێ دیڤه هاته زانین، فرۆكهیێن رژێمێ ژی ئهڤرۆ رابووینه و 4 وهلاتیێن كورد، د بۆمبهبارانا وان دا هاتینه شههیدكرن و 20 وهلاتیێن دی ژی بریندار بووینه.
سیاسهتمهدارێن نێزیك ئهنجومهنا نیشتیمانی یا كوردی ژی وهسا دبینن، كو ئالۆزیێن حهسهكێ سیناریۆیهكا دروستكریه ژلایێ رژێمێ و پهیهدێ ڤه بۆ نیشادانا وێ یهكێ كو پهیهدێ چو پهیوهندی دگهل رژێما سووری نینن. بتنێ وهلاتیێن سڤیل ژی دبنه قوربان.
تُتاح هذه الصورة أيضا في: کوردی