شەش كارمەندێن ساخلەمیا مووسلێ سەرا دزینا موچهى دئێنە دەستەسەركرن
باسنيۆز:
ئەندامەكێ جڤاتا پارێزگەها مووسلێ دیاركر بریارا دەستەسەركرنی بۆ 7 كەسان سەرا دزینا مۆچی كارمەندێن ساخلەمیا مووسلێ دەرچوویە هەتا نوكە شەش كەس یێن هاتینە دەستەسەركرن و كەسەك مایە خوە رادەستی قانوونی نەكریە وڤەكولین دگەلدا دهێتە كرن بۆ ئاشكراكرنا چارەنڤیسی مۆچی كارمەندێن ساخلەمیا مووسلێ.
سەیدو حسین، تاتانی ئەندامێ جڤاتا پارێزگەها مووسلێ بۆ ( باسنیوز) دیاركر جڤاتا مووسلێ كومبوونا خوە دا بریار دان حوكمەتا عیراقێ مۆچی هەیڤا ئیك و هەیڤا دوو یێ سالا یێن كارمەندێن ساخلەمیا مووسلێ ب مەزیخت هەتا دۆسیەیا ڤەكولینی دووماهیێ دهێت لێ وەسا دیارە بەغدا رازی نەبوویە چاڤەری بریارا دادگەهی دكەت بۆ ئیكلایكرنا مۆچی كارمەندێن ساخلەمیا مووسلێ.
زێدەتر گۆتژی ئەڤ سالا 11 ملیار و 800 ملیون دینار مۆچی هەیڤا ئیك و دوو یێ كارمەندێن ساخلەمیا مووسلێ هاتنە دزین دووڤ ڤەكولینان دبیژن كومپانیا عبر الخلیج بریە لێ هیشتا ئاشكرا نەبوویە و پێنچ كارمەندێن ساخلەمیا مووسلێ دگەل رێڤەبەرێ ساخلەمیێ دەستەسەركرینە سەرا دزینا مۆچێ و ڤەكولین بەردەوام دهێتە كرن ئەم داخوازی ژ بەغدا دكەن لەزی بكەت بۆ مەزاختنا مۆچی كارمەندان چونكو فەرمانبەر گەلەك گریدارن و پێدڤی پێ هەینە و جڤاتا مووسلێ بەردەوامی دوڤچوونی دكەت بۆ مەزاختنا مۆچی كارمەندین ساخلەمیێ.
تُتاح هذه الصورة أيضا في: کوردی