بەشار کیکی: ناچێبیت بێ پشکداریکرنا پێشمەرگەی بەحسا کۆنترۆلکرنا موسل بهێتە کرن
ئێن ئارتى
سەرۆکێ جڤاتا پارێزگەها نەینەوا راگەهاند، ناچێبیت بێ پشکداریکرنا هێزین پێشمەرگە بەحسا کۆنترۆلکرنا موسل بهێتە کرن.
بەشار کیکی سەرۆکێ جڤاتا پارێزگەها نەینەوا تایبەت ب ئێن ئاڕ تی راگەهاند، پشکداریکرنا پێشمەرگەی د کۆنترۆلکرنا موسل دا نە نەبتێ بۆ رزگارکرنا ئەوی باژێرییە، بەلکی بۆ پشتی ئازادکرن و سیاسەتا برێڤەبرنا ئەوی باژێرێ یە”.
هەروەسا ئەو چەند ژی راگەهاند “بێی پێشمەرگە نابیت بەحسا کۆنترۆلکرنا موسل بهێتە کرن، چونکی پێشمەرگەی پێنج جهێن دەردۆرا موسل گرتینە و ل مەخمورا نێزیک موسل ژی پشتەڤانیا لەشکەرێ عێراقێ دکەتن”.
سەرۆکێ جڤاتا پارێزگەها نەینەوا گۆت ژی “هەفپەیمان و ئەمریکا ژی دیار کرییە کو بێی پێشمەرگەی ئێمناهی بۆ موسل نازڤریتەڤە”.
ژلایێ خوە ڤە بەرپرسێ ڕاگەیاندن و ڕەوشەنبیریا وەزارەتا پێشمەرگە یا هەرێمێ راگەهاند، پێشمەرگە دێ پشکداریا تەڤاهیا ئۆپراسیۆنێن دژی داعشێ کەت ب ئۆپراسیۆنا موسل ڤە”.
ئەڤە د دەمەکیدایە د بەرێ دا عەبادی راگەهاندبوو “ناچێبیت پێشمەرگە سنورێ دەستهەلاتا خوە بەرفرەهـ بکەت و دڤێت ئەو دەڤەرێن کو کۆنترۆل ژی کرینە رادەستی لەشکرێ عێراقێ بکەتن”.
تُتاح هذه الصورة أيضا في: کوردی