داعشێ هێرشێن خوهكوژی ژ مهزانان بۆ زارۆیان گوهارتن
وار
رێكخستنا تیرۆرستییا داعشێ بزاڤان دكهت، تهكتیكا خوه یا هێرشێن خوه كوژی ب گوهۆڕیت و نها د بزاڤان دایه زاڕۆیان د ناڤا وان هێرشان دا ب كاربینیت.
ب ترسهكا مهزن زارۆیهكێ پازده سالی كهڤت دهستێ هێزێن ئێمناهییا كهركووكێ، كو نیاز ههبوو خوه ب رێكا پشتینهكا بۆمبرێژكری ب پهقینین، ئهڤهیه نیشانا هێرشێن نوو یێن داعشێ كو زارۆیان د ناڤا وان هێرشان دا ب كاردئینیت.
پێش وێ ب رۆژهكێ، ل توركیا ژی سنێلهیهكی خوه د ناڤا هۆلهكا شههیانان دا پهقاند و لگۆری بهرپرسێن توركیا ژی زێدهتری پێنجی كهسان بوونه قوربان و پترییا وان ژی زارۆ بوون.
بكارئینانا زارۆیهكی د كریارهكا تیرۆرستی دا بۆ جارا ئێكێ یه ل توركیا ژ ئالیێ رێكخستنا تیرۆرستییا داعشێ ڤه دهێته بكارئینان.
ژ ئالییهكێ دی ڤه و ل ئهڤغانستانێ بزاڤا تالیبان ئهڤه دهمهكێ درێژه زارۆیایێن د بن ژیێ 14 سالیێ دا د هێرشێن خوه كوژی دا بكاردئینیت، ب تایبهت ژی دژی ههڤپهیمانییا باكۆرێ ئهتلهسی كو پێشتر ل سالا 2012ێ ژی هێرشهك دژی وان كربوو و شهش كهس كربوون قوربان، پشتی وێ ژی ب دو سالان سنێلهیهكی خوه ب بنگههێ رهوشهنبیری یێ فرهنسی ل ئهڤغانستانێ پهقاند.
لگۆری لێكۆلینان رێكخستنا تیرۆرستییا داعشێ و رێكخستنێن دیێن توندڕێ، وان زارۆیان ب كاردئینن ژ بۆ زێدهكرنا مۆرالێ ل دهڤ چهكدارین خوه یێن مهزنن ئهڤه ددهمهكی دایه، نها چهندین زارۆ ل بن دهستێ وێ رێكخستنێ ل ئیراق و سووریا دهێنه گوتوبێژكرن.
ل رۆژئاڤا ئهفریكییا ژی، بۆكۆحهرام زارۆیێن توندڕێ نهچار دكهن خوه ب رێكێن جودا جودا ب پهقینن و ل ئیراق و سووریا ژی لگۆری چالاكڤانان رێكخستنا تیرۆرستییا داعشێ نها بزاڤا زێدهكرنا هێرشان ب رێكا زارۆیان دكهت، كو ههر ژ دهما دهست ب سهر وان ناوچهیان دا گرتین، بزاڤا هێرشان دكهن، پشتی د بنگههێن وان دا دهێنه مهشقدان.
رێكخستنا تیرۆرستییا داعشێ كهتائیبهكا تایبهت ل ژێر ناڤێ ئهشبال ئهلخیلافه دروست كرییه و وێنه و ڤیدیۆیێن وان ب بهردهوامی ل سهر تۆرا ئهنتهرنێتێ بهلاڤ دكهت بۆ وێ یهكێ سهرنجا زارۆیێن دی ژی راكیشیت و ئهو زارۆیێن د ڤیدیۆیان ژی دا شانازیێ ب وی كارێ خوه یێ دووری ههموو رهفتارێن مرۆڤاتیێ ببهت.
لگۆری جۆلێت تۆما، پهیڤدارا یونسێفێ، ههژمارا زارۆیان ل سهرانسهری جیهانێ بۆ چۆنا ناڤ رێكخستنێن توندڕێ زێدهترهبوویه، د دهمهكی دا چالاكیێن وان ژی ل دۆر بكارئینانا چهكی ژی ب تایبهت ژی چهكێن گران و ل بهراهیێن شهڕی زهنگا مهزترسیێ نه.
تُتاح هذه الصورة أيضا في: کوردی