نەتەوێن ئێکگرتی پێشبینییا ھاتنا گەلەک ئاوارەیان ژ مووسلێ دکەت
وار
کۆمسیۆنا بلند یا نەتەوێن ئێکگرتی پێشبينييا رەڤینا گەلەک وەلاتییێن مووسلێ و دەورووبەرێن وێ دشەرێ ئازادکرنا وی باژێری دا کر.
ئەدریان ئیدواردز، پەیڤدارێ کۆمسیۆنا بلند یا نەتەوێن ئێکگرتی د کۆنگرەکێ رۆژنامەڤانی دا راگەھاند: ل گەل دەستپێکرنا شەرێ ئازادکرنا باژارێ مووسل ژ دەستێ تیرۆریستێن داعشێ، پێشبینی دھێتە کرن گەلەک ژ وەلاتییێن مووسل و دەورووبەرێن وێ ژ سەدەما شەری ئاوارە ببن و بەر ب جھێن ئارام ڤە برەڤن.
ناڤھاتی دیار ژی کر: نەتەوێن ئێکگرتی پێدڤی ب گەلەک دەڤەرێن ئارام ھەیە بۆ درستکرنا کەمپێن ئاوارەیان و پێشبینی دھێتە کرن پتر ژ ملیۆنەک و دوسەد ھەزار کەس ئاوارە ببن.
ئەڤە د دەمەکی دایە کو پراسنیا کەسێن سڤیل یێن د ناڤا ئیراقێ دا ئاوارە بووین بەرێ خوە دایە ھەرێما کوردستانی و پرانیا وان ل پارێزگەھا دھوکێ و دەورووبەرێن وێ ھاتینە خوەجھـ کرن.
تُتاح هذه الصورة أيضا في: کوردی