دێ كلیپەكێ ل سەر بارودۆخێ ئێزدیان دروست كت
تۆرا لالش یا راگەهاندنێ/ هۆگر نەجیب
بژار ئەكرەم گەنجەكێ كۆمەلگەها شاریا،پشتی كارەساتا ب سەرێ ئێزدیان هاتی سترانەك ل سەر شنگالێ ل ستۆدیۆیەكا باژێرێ دهۆكێ چێكر،بەلێ كلیپ نەكر ژبەركو قەستا وەلاتێ ئەلمانیاكر،نۆكە پێنگاڤان دهاڤێژت بۆ دروستكرنا كلیپەكێ ل سەر كوردێن ئێزدی،كو دەربرینێ ژ بارودۆخێ نۆكە ئێزدی تێدا دەرباز دبن دكت.
د دیدارەكێ دا”بژار ئەكرەم” بۆ (تۆرا لالش یا راگەهاندنێ) دیاركر:” نها پێنگاڤان دهاڤێژم بۆ دروستكرنا كلیپەكێ ل سەر كوردێن ئێزدی كو دەربرینێ ژ بارودۆخێ نها ئێزدی تێدا دەرباز دبن دكت و رەنگە ئاوازێ ئەز بدانم،ژبەركو ل سالا 2014 تا نها خودان ئاوازم ، لێ هۆزانێ ئەز دانانم،لەورا نها ل پەیڤان دگەرێم بۆ دروستكرنا وێ ب شێوەیەكی پرۆفیشنال و ڤێ چەندێ دێ بمە خودان ئێكەم كلیپ و ئێكەم كارێ هۆنەری ژ رووێ سترانگۆتنێ ڤە ل سەر شاشێن تلەڤزیونان بێتە پەخشكرن”.
ناڤبری گۆتژی د زارۆكینیێ دا فێری ئامیرێ مۆزیكێ(ئۆرگ)ێ بووم و ب هاریكاریا هەڤالەكێ خۆ یێ خەلكێ رۆژئاڤایێ كوردستانێ فێری (بزق)ێ ژی بووم، نها هەول ددەم ل پاشەرۆژێ هۆنەرێ سترانگۆتنێ بكەمە كارێ خۆ یێ بەردەوام و نها دگەل هۆنەرمەند(ئەدیب گرێپانی) وەكو تێست پشكداری داوەتان دبم و هەر موزیكژەنەكێ مە دگەلێك كاركری ژ دەنگێ من رازیبوویە.
بژار ئەكرەم ئەو چەندە ژی ئاشكەراكر:”پشتی كارەساتا ب سەرێ ئێزدیان هاتی من سترانەك ل سەر شنگالێ چێكر ل ستۆدیۆیەكا باژێرێ دهۆكێ ،لێ من كلیپ نەكر ژبەركو ئەز چوومە وەلاتێ ئەلمانیا،لەورا دەرفەت نەبوو دروست بكەم وەكو كلیپ”.
بژارى هەروەسا دیاركر:”راهێنانێن دەنگی ل مال دكەم و بەردەوام گۆهداریا سترانێن هۆنەرمەندێن رەحمەتی(ئەردەوان زاخۆیی و ئەیاز زاخۆیی) دكەم و گەلەك ژ بەرهەمێن وان من ژبەرن”.
بژار ئەكرەم،گەنجەكێ كۆمەلگەها شاریایە،ل سالا (1993) ژ دایك بوویە و ل ئاهەنگێن قوتابیان و جەژنا نەورۆزێ ستران گۆتینە ،نها هەول ددەت ل پاشەرۆژێ دەواتان بگێرت و خزمەتا كوردستانێ بكت ب سترانێ.
تُتاح هذه الصورة أيضا في: کوردی