ئێزدی پشتهڤانيێ ل پێشنیارهكا بارزانی دکن
باسنيۆز:
نوێنەری ئێزدییەکان لە پهرلەمانی کوردستان، پشتیوانی لە پێشنیارێکی سەرۆکی هەرێمی کوردستان دەکەن، بۆ ئەوەی شنگالێکی نوێ دروست بکرێت.
شێخ شامۆ، نوێنەری ئێزدییەکان لە پەرلەمانی کوردستان، بە (باسنیوز)ی ڕاگەیاند: “بارزانی لە باوەڕێکی تەواوەوە پێشنیاری ئەو بابەتەی کردووە و بەلای شەنگالییەکانەوە جێگای بایەخە”. ڕوونیشی کردەوە: “کارێکی زۆر باشە ئەو پێشنیارە بخرێتە بواری جێبەجێکردنەوە، چونکە شنگال 80%ی وێران بووە، دووەم ئەو پارەی لە ئاوەدانکردنەوەی شنگا خەرج دەکرێت، با لە شنگالی نوێ خەرج بکرێت و ئەم شنگالەی ئێستا وەک سیمبول بمێنێتەوە، خاڵی دواتر لەبەر ئەوەی ساڵانی پێشوو بەعس تەعریبی شنگالی کردووە، بە پێدانی پارچە زەوی، ئێستا شنگالی رەسەن دەمێنێتەوە و دووبارە شارێکی نوێ ئاوەدان دەکرێتەوە”.
شێخ شامۆ ئەوەشی بۆ (باسنیوز) گوت: “ئەم جارە شنگالێکی نوێ پەیدا دەبێت کە سەرجەم پێکهاتەکان بە ئایینە جیاوازەکانەوە ژیانێکی نوێ دروست بکەن”.
ڕۆژی 3\8\2016 و لە یادی کارەساتی شنگال، سەرۆکی هەرێمی کوردستان، پێشنیاری کرد، شەنگالی نوێ دروست بکرێت و شاری شنگالی ئێستا، وەک هێمای قوربانیدان بمێنێتەوە.
تُتاح هذه الصورة أيضا في: کوردی