كار ل سەر چێكرنا قوتابخانەیەكێ ل كەمپا كەبەرتوویێ دئێتە كرن
تۆرا لالش یا راگەهاندنێ
رێڤەبەرێ كەمپا كەبەرتوویێ ئێك ئاشكەراكر كو پێنج پێكهات دناڤ كەمپێ دا بێ ئاریشە دژین و حكوومەتا هەرێما كوردستانێ و رێكخراوێن نێڤ و دەولەتی و خێرخوازی،كارینە پتریا خزمەتكاریان بۆ ئاوارەیێن وێ جێبەجێ بكن و كار ل سەر چێكرنا قوتابخانەیەكێ ژی یێ دئێتە كرن.
رێڤەبەرێ كەمپا كەبەرتوویێ”هكار محمد”بۆ دەنگێ لالش خویاكر:”خەلكێ شنگالێ دڤان هەردوو سالێن كارەساتێ دا ،زانی كو چاوا كارەسات چێبوو و كیبوون بوونە ئەگەرێ شكەستنا پێكڤە ژیانێ دناڤ وان دا،بەلێ نۆكە پێكهاتێن(ئێزدی،بوسلمان، مەسیحی،ئەرەب،توركمان)پێكڤە و بێ ئاریشە دكەمپێ دا دژین و رێزێ ل ئاین و بیروباوەرێن ئێك دگرن و گۆت:((حكوومەتا هەرێما كوردستانێ و رێكخراوێن نێڤ و دەولەتی و خێرخوازی كارینە پتریا خزمەتكاریان دناڤ كەمپێ دا جێبەجێ بكن،هەروەسا ل نەخۆشخانەیا كەمپێ پشكا زارۆكبوونێ هاتیە ڤەكرن و ئەڤە ئَیكەم كەمپە ئەڤ پشكە تێدا دگەل باشترین ئامیرێن پێشكەفتی و قوتابخانەكا دی كو دبتە یا سیێ یا دئێتە چێكرن و نێزیكی 10 رێكخراوان ل ناڤ كەمپێ دا كاردكن و رۆژانە دەلیڤێن كاری بۆ خەلكێ پەیدا دكن و خزمەتكاریان پێشكێش دكن)). زێدەتر گۆت:سوپاسیا رێكخراوا (GIZ) یا ئەلمانی دكەین كو پرۆژەكێ كاری هەیە بۆ ئاواران و بۆ ماوێ شەش دەمژمێران هەركەسەكی 25000 هەزاری ددەتێ،ب ڤێ پێنگاڤێ بێكاری یا كێمبووی و هیڤی دكن پرۆژین وەسان پتر بێنە ئەنجاندان”.
هەروەسا”هەكار مەحەمەد)”دیاركر:”داخوازێ ژ حكوومەتا هەرێما كوردستانێ و رێكخراوێن نیڤ دەولەتی دكەین پتر هاریكاریا ئاواران بكن”.
تُتاح هذه الصورة أيضا في: کوردی