سالانە نێزیكی ٣٠ كەسان كارێ خلمەتا ئۆلا ئێزدیاتیێ دكن
تۆرا لالش یا راگەهاندنێ
پشتی هێرشا داعشێ بۆ سەر دەڤەرێن ئێزدیان،گەنجەكێ شنگالێ دەما ئاوارەی پەرستگەها پیرۆزا لالش بووی،بریاردا خلمەتا ئۆل و پەرستگەهێ بكت،ل گۆر ئامارێن نەفەرمی سالانە نێزیكی ٣٠ كەسان ژ كچ و كوران كارێ خلمەتا ئۆلا ئێزدیاتیێ دكن.
گەنجێ ئاوارەیێ شنگالێ “ئستیڤان سەلام”بۆ رۆژنامەیا دەنگێ لالش گۆت:”هندی دوژمن ل نەمانا مە گەریا ئەم ئۆلا خۆ قایمتر دكن و دەما داعش هێرشی سەر دەڤەرێن ئێزدیان كری من بریاردا كارێ خلمەتا ئۆلا خۆ بكەم و قوتابخانێ بجێبهێلم،وەك خەلكێ شنگالێ دەما ئاوارەی پەرستگەها لالشا پیرۆز بووین،پتر نێزیكی حەجا خۆ بووین،هەروەسا ل گۆر ئامارێن نەفەرمی سالانە نێزیكی ٣٠ كەسان ژ كچ و كوران كارێ خلمەتا ئۆلا ئێزدیاتیێ دكن”.
ئستیڤان سەلام،ژ دایكبوویێ سالا 2001ێیە و خەلكێ كۆمەلگەها گوهبەلە یا سەر ب ناوچەدارییا سنوونێ ڤە.
تُتاح هذه الصورة أيضا في: کوردی