“كەسێن سەبیكرن ب كچێن ئێزدیان كرین نابت بێنە لیبۆرین”
باسنيۆز:
نوونەرێ خەلكی شنگالێ ل جڤاتا پارێزگەها مووسلێ دیاركر پشتی پەرلەمانێ عیراقێ یاسا لیبۆرینا گشتی پەسەندكری كارڤەدانەك دروست بوویە كو یاسا لیبۆرینا گشتی ژ تیرۆرستێن داعش دگرت پێدڤیە پێداچوون یاسایێ دا بهێتە كرن وكەسێن دەست كوشتن و رەڤاندن و سەبیكرنا كچان و خەلكی شنگالێ دا هەی ب چوو شیوەیەكی نەهێنە لیبۆرین.
سەیدو چەتۆ، نوونەرێ خەلكی شنگالێ ل جڤاتا پارێزگەها مووسلێ بۆ (باسنیوز) دیاركر ب شیوەیەكی نە راستەوخو تیرۆرستێن داعش دێ مافێ ژ یاسا لیبۆرینا گشتی وەرگرن، پێدڤیە ب روهن وئاشكرایی بەحسی تاوانێن تیرۆرستێن داعش بهێتە كرن ب چوو شیوەیەكێ یاسا لیبۆرینا گشتی ژ تیرۆرستان نەگرت ونابیت یاسایێ دا تنێ بهێتە بەحسكرن كوشتن و شیواندنێ دەزگایی دەولەت و زیانین گەهشتینە چەكدارین هێزین عیراقێ ب تاوان بهێنە هژمارتن ئەڤە وی چەندی دگەهینت ئەوین چووینە ناڤ ریزین تیرۆرستان وپشتەڤانیی ل تیرۆرستان كری ژ وان ناگرت پێدڤیە یاسا لیبۆرینا گشتی دا بەحسی تاوانێن تیرۆرستان برەنگەكی روهن و ئاشكرا بهێتە كرن چو جاران یاسا لیبۆرینا گشتی ژ تیرۆرستان ناگرت.
تُتاح هذه الصورة أيضا في: کوردی