کەسەکێ ئیندۆنیزی ریکۆردا دان عەمرترین مرۆڤێ سەر زەمینێ شکاند
ئێن ئارتى
مباح گوتو، ئەو زەڵامێ دان عەمر یێ ئیندۆنیزییە کو ژیێ وی ١٤٥ ساڵن و ریکۆردا دان عەمرترین مرۆڤێ سەر زەمینێ شکاندیە، ب ڤێ ژی ناڤێ وی چوویە ناڤ کتێبا گینس.
بەرپرسێن ئیندۆنیزیا راگەهاندنە کو مباح گوتو یێ دان عەمر ئان یێ کال د ٣١ێ دیسەمبەرا ساڵا ١٨٧٠یێ دا ژدایکبوویە و دەمێ کو جەنگێ دوویەمێ جیهانی دەستپێکریە مباح گوتو د ژیێ ٤٣ سالیێ دا بوویە.
زەلامێ مێژوویی د ژیانا خوە دا ٤ هەڤژین و ١٠ زارۆک هەبوونە، ب ئاوایەکی کو زارۆک هەبوونە کال بوونە و مرینە.
لگۆری گۆتنا مالباتا ئەوی زەلامێ دان عەمر ناڤبری د ساڵا ١٩٩٢ێ دا هەروەخت بوو بمریت و وی دەمی قەبر و مەراسیم ژبۆی هاتبوون بەرهەڤکرن.
مباح قەبرێ خوە ل کێلەکا قەبرێ مریێن مالباتا خوە بەرهەڤکربوو کو زارۆکێن وی ژی د ناڤدا بوون، ئەوی ژ ساڵا ١٩٩٢یێ وەرە راگەهاندیە کو ئەوێ بەرهەڤە بۆ مرنێ.
بەری مباح گوتو ریکۆردا دان عەمرترین کەسی د جیهانێ دا ب ناڤێ ژنەکا فەرەنسی بوویە ب ناڤێ جین لیوس کامەنت، د دەمەکیدا ئەو ژنا فەرەنسی ٢٣ ساڵان کێمتری ئەڤی زەلامێ ئیندۆنیزی ژیایە.
تُتاح هذه الصورة أيضا في: کوردی