پارتی: كورد ژ بدهستڤهئینانا مافێن خوه نزیكبووینه
waar – دهوك :
پارتی دیمۆكراتی كوردستان، راگههاندنهك د یادا 55 سالیا شورهشا ئیلونێ دا بهلاڤكر و راگههاند؛ ب سایا شورهشا ئیلونێ ، ئهڤرۆ ژ ههر دهمهكی زێدهتر، كورد ژ بدهستڤهئینانا مافێن خوه نزیكتر بووینه.
مهكتهبا سیاسی یا پارتی دیمۆكراتی كوردستان، راگههاندنا خوهدا دیاركرییه، دهستپێكرنا شورهشا ئیلونێ ب رابهرایهتیا بارزانیێ نهمر و سهركێشییا پارتی، وهرچهرخانهكا دیرۆكی و وێستگهههكا ئێكلاكهر و روودانهكا نهتهوهیی و نشتیمانی بوو د دیرۆكا نهتهوهیا كورد دا و بۆ ههموو جیهانێ سهلمان كو كورد ب بنپێكرنا مافێن خوه رازی نابن و دناڤبهرا ژیانا بندهست، و مرن ژبۆ ژیانێ دا، دێ یا دوێ ههلبژێرن و كوردستان یان نهمانێ كهنه درۆشمێ خوه.
دایه زانین ژی كو د سایا شورهشا ئیلونێ و رابهر و گهلێ قارهمان و پێشمهرگه و شههیدێن وێ دا، دۆزا گهلێ كورد د قۆناغهكا نوو و گرنگ دایه و ژ ههر دهمهكی زێدهتر، كورد ژ بدهستڤهئینانا مافێن خوه نزیكتر بووینه.
دایه زانین ژی كو دگهل شورهشا چهكداری، بارزانیێ نهمر و پارتی، دهست ژ خهباتا سیاسی ژی بهرنهدا و ب رێیێن دبلۆماسی چهندین جاران حكومهتا ئیراقێ نهچار كر كو دهست ب دانوستاندنان بكهت، ئهڤهژی بۆ بنیاتێ بدهستخستنا دهستكهڤتان، تا گههشتییه حكومڕانیا خوهیی و فیدرالی و ئهڤرۆ ژی قۆناغا گههشتنێ ب مافێ چارهنڤیسی و پێكئینانا دهولهتا سهربهخوه یا كوردستانێ.
تُتاح هذه الصورة أيضا في: کوردی