پێشوازییا ئێزدیان ل كچێن ژ دەستێ داعشێ رزگاربووین دبتە فلم
دەنگێ لالش،بێوار رەسەن
تیپا گرعزێر یا هۆنەرێ شانۆیێ یا كار ل سەر نڤیسینا فلمەكی ب ناڤێ ژیان دكت،مەرەم ژێ چاوانیا پێشوازیكرنا ئێزدیان ل كچێن ژ دەستێ داعشێ رزگاربووین یە و چاوان خەلكێ كوردستانێ دەرگەهێ خۆ بۆ ئاوارێن ئێزدی ڤەكرن.
سیناریست و بەرپرسێ تیپا گرعزێر یا هۆنەرێ شانۆیێ”سالم حسێن”بۆ رۆژنامەیا دەنگێ لالش خویاكر:”نۆكە من دەست ب نڤیسینا چەند چیرۆكا كریە ئێك ژ وان نڤیسینا سیناریوییا كلیپەكێ یە ب ناڤێ (وەلاتێ خۆ نەهێلن) ،ژبۆ هۆنەرمەندێ گەنج یێ شنگالێ(جەمیل ناسو) و ل ڤان نێزیكان دا دێ ئێتە وێنەكرن و(فارس مشكو)دێ دەرهێنەریا وێ ڤیدیو كلیپێ كت و گۆت:”هەروەسا ئەز یێ ل سەر نڤیسینا فلمەكی ب ناڤێ(ژیان) كار دكم و مەرەم ژێ چاوانیا پێشوازیكرنا ئێزدیان ل كچێن ژ دەستێ داعشێ رزگاربووین یە و چاوان خەلكێ كوردستانێ و ب تایبەت خەلكێ دەڤەرا بادینان دەرگەهێ خۆ بۆ ئاوارێن ئێزدی ڤەكرن،ئەم دخوازن پێكڤەژیانا وەلاتێ خۆ ژ هەموو خەلكێ بیانی را دیاركن،لەوا ژی داخوازێ ژ هەموو ئالیێن بەرپرس دكەین هاریكارییا مە بكن بۆ بەرهەم ئینانا ڤی فلمی”.
سیناریست(سالم حسێن)١٦ شانۆ و١١ فلم و كورت فلم نڤیسینە.
تُتاح هذه الصورة أيضا في: کوردی