دوو حەفتیێن دی گوگڵ دێ پەردەی ل سەر مۆبایلا خوە یا نوو راکەت
ئێن ئارتى 
کۆمپانیا گوگڵ راگەهاند، هەیڤا داهاتی رێکەفتی ٤ێ کانوونا ئێکەم دێ کۆنفرانسەکێ ئەنجامدەت و مۆبایلا خوە یا نوو تێدا ئاشکرا کەت.
گوگڵ ب رێیا ڤیدیۆیەکێ رێکەفتێ کۆنفرانسەکا خوە دیا کریە تێدا وێنەیەک ژی بەلاڤکریە و کو رەنگێ مۆبایلێ ددەت و لۆگۆیێ گوگلێ ب پیتا (G) ل سەر هاتیە دانان.
هەرچەندە هەیا نها کۆمپانیا گوگڵ ئاماژە ب ناڤێ مۆبایلێ نەکریە، لێ بەلێ چاڤکانی د وێ باوەریێ دانە کو پێخەمەتی پیتا (G) گوگڵ دەست ژ پەیڤا نێکسەس (Nexus) بەردەت کو د بەرێ دا ژبۆ مۆبایلێن خوە بکار د ئینا.
لگۆری هندەک چاڤکانیان ئەو مۆبایلا نوو ب دوو رەنگان دێ هێتە بەلاڤکرن ب هەردوو شاشەیێن ٥ ئینج و ٥,٥ ئینج، تێ گۆتن کو ئەو مۆبایل ژلایێ کۆمپانیا ئێچ تی سی ڤە ژبۆ گوگڵێ بهێتە بەرهەمئینان.
هەروەسا دهێتە چاڤەرێکرن ژبۆ ناڤێ مۆبایلێ پەیڤا (Pixel) بهێتە بکارئینان کو ژبۆ ناڤێ کۆمپیوتەر و تابلێتێن گوگڵ هاتیە بکارئینان.
زانیاریێن زێدەتر ل سەر تایبەتمەندییێن ڤێ مۆبایلێ نینە، لێ بەلێ چاڤدێر چاڤەرێی نووترین پرۆسێسەرێ دکەن داکو دگەل نوگات کو نوترین سیستەمێ ئەندرۆیدێ یە ب باشی کار بکەتن.
تُتاح هذه الصورة أيضا في: کوردی