دەمیرتاش د کۆنگرەیەکا رۆژنامەڤانی دا ئارمانجا سەرەدانا خو بۆ هەرێمێ ئاشکرا کر
ئێن ئارتى
ئەڤرۆ چارشەمبی ٢١ێ ئەیلولا ٢٠١٦،سەلاحەدین دەمیرتاش هەڤسەرۆکێ پارتیا دیموکراتیک یا گەلان هەدەپە پشتی بداوی هاتنا کۆمبوونا وی دگەل بارزانی د کۆنگرەیەکا رۆژنامەڤانی دا ل باژێرێ هەولێرێ ئارمانجا سەرەدانا خو بۆ هەرێما کوردستانێ ئاشکرا کر.
هەڤسەرۆکێ هەدەپێ ئاماژە ب رەوشا نها یا هەرێما کوردستانێ کر و ئێکگرتنا کوردان ب پێدڤی دازانین.
دەمیرتاش ئاماژە ب رەوشا هەر چار پارچەیێن کوردستانێ ژی کر و راگەهاند، کو کورد ل هەر چار پارچەیێن کوردستانێ د رەوشەکا خراپ دایە.
هەروەسا سەلاحەدین دەمیرتاش بەحسێ ناکوکی و بێ تفاقیا ناف کوردان کر و گۆت، د ١٠٠ سالێن بووری دا بێ تفاقیا رێکخستنێن گەلێ کورد و نەبووونا ئێکەتیا ناڤبەرا کوردان ئەگەرەک بوویە کو کورد نەگەهن مافێن خو یێن رەوا.
د وێ کۆنگرەیا رۆژنامەڤانی دا دەمیرتاش ئاماژە ب وێ ئێکێ کر کو د ١٠٠ سالێن بووری دا گەلێ کورد گەلەک بەرخودان دانە و گۆت ژی” دەمێ ئەس دیرووکا گەلێ خو دخوینم، دلێ من د ئێشیت ژبەر کو گەلێ کورد گەلەک دەردەسەری دیتنە”.
ئەڤرۆ چارشەمبی ٢١ێ ئەیلولا ٢٠١٦ێ سەلاحەدین دەمیرتاش هەڤسەرۆکێ هەدەپێ و شاندەکێ هەڤالەند ب رێکا فرۆکەخانەیا نیڤدەولەتیا هەولێرێ گەهشتە هەرێما کوردستانێ و دگەل بارزانی کۆمبوو و بریارە ژی دگەل ئالیێن سیاسیێن هەرێمێ کۆمبیت.
دەمیرتاش د کۆمبوونا خۆە دا دگەل بارزانی بەحسێ ئاریشە و ئاستنەگێن بەردەمی دۆزا کورد کر و دیالۆک و هەڤکاری دناڤبەرا ئالیێن کوردستانێ دا ب تاکە رێک دانا ژبۆ چارەسەکرنا ئاریشان.
ژئالیێ خوە ڤە بارزانی راگەهاند، نها مە پێدڤی ب ئاشتیێ یە نەک شەری و ئەگەر مە ل رابهوری گازندە و گلەیی ل زلهێزان و دەولەتان هەبوو، ئەڤە نها دەمێ وێ ئێکێ یە گازندێ ل خۆە بکەین”.
تُتاح هذه الصورة أيضا في: کوردی