توركیا دێ چارهسهرییا نۆشداری بۆ 64 پێشمهرگهیێن بریندار كهت
waar – دهوك :
بریاره ئهڤرۆ ئێڤاری، شێست وچوار پێشمهرگهیێن بریندار د شهڕی دژی داعشێ دا، ب مهرهما وهرگرتنا چارهسهریا نوشداری، بۆ وهلاتێ توركیا بهێنه هنارتن، وهزارهتا پێشمهرگهی ژی دبیژیت:خهرجیێن ڤهگوهاستن و چارهسهركرنێ، حكومهتا توركیا ب ستۆیێ خوهڤه گرتینه.
لیوا موحسین محهمهد زهنگهنه رێڤهبهرێ كاروبارێن نوشداری ل وهزارهتا پێشمهرگهی، د داخویانیهكێ دا گۆت: ئهڤرۆ ب رێیا فرۆكخانهیا نێڤدهولهتی یا ههولێری، شێست وچوار پێشمهرگهیێن كو د شهڕی دژی داعشێ دا برینداربووین و چارهسهریا وان ل ههرێمێ نه هاتیه كرن، دێ بۆ وهلاتێ توركیا هێنه هنارتن.
گۆت ژی: حكومهتا توركیا، ههموو خهرجیێن ڤهگوهاستن و چارهسهركرنا وان پێشمهرگهیان ب ستۆیێ خوهڤه گرتینه.
ل گۆری داوی ئامارا وهزارهتا پێشمهرگهی یا حكومهتا ههرێما كوردستانێ، د دو سالێن شهڕێ دگهل تیرۆرستێن داعشێ دا، هزار و پێنج سهدوچل پێشمهرگه شههیدبووینه و نههـ هزار و شێست وحهفت؛ پێشمهرگه ژی برینداربووینه.
تُتاح هذه الصورة أيضا في: کوردی