شاندەکێ ئەمریکی و بارزانی ئۆپراسیۆنا موسلێ و رەوشا کوردێن رۆژئاڤا گۆتوبێژ کرن
ئێن ئارتى
پشتی کو ئەڤرۆ ئەینی ٢٣ێ ئەیلولێ، فەرماندێ ناڤەندیا هێزێن ئەمریکا ب سەرۆکاتیا شاندەکێ سەربازی و دیبلۆماسی گەهشتە هەولێرێ و دگەل بارزانی کۆمبوو، چەند پرسێن نها یێ دەڤەرێ هاتنە بەحس کرن.
لگۆری نوچەیەکێ مالپەرێ سەرۆکاتیا هەرێمێ، “د وێ کۆمبوونێ دا ب هویری بەحسێ قۆناغا ئازادکرنا موسلێ و مەترسی و تەحەدیاتێن وێ قۆناغێ و چەوانیا رووبەروبونا وان ئاریشان هاتە کرن و تەکەستی لسەر وێ ئێکێ هاتە کرن کو پێدڤیە دگەل رێکەتن و پلانا سەربازی بۆ کۆنترۆلکرنا موسلێ، رێکەتنەکا سیاسی هەبیت هەیاکو سەقامگیری و تەناهی ل دەڤەرێ بەرقەرار بیت.”
هەر لگۆری زانیاریێن مالپەرێ سەرۆکاتیا هەرێمێ” د کۆمبوونێ دا کو هژمارەکا بەرپرسێن سەربازی و ئەمنیێن مەزنێن هەرێمێ ئامادەبوون، بەرهەڤی بۆ پرۆسەیا کۆنترۆلکرنا موسلێ و هەماهەنگیا ناڤبەرا پێشمەرگەی و هەڤپەیمانان و هێزێن عێراقی هاتنە بەحس کرن”.
د بەشەکێ دی یێ کۆمبوونێ دا بەحسێ رەوشا سوریا هاتە کرن و رەوشا کوردێن رۆژئاڤا ژی هاتە گۆتوبێژ کرن.
د وێ کۆمبوونێ دا جەنەراڵ جوزێف ڤۆتێل فەرماندێ فەرماندەیا ناڤەندیا هێزێن ئەمریکا و دۆگلاس سیڵیمەن بالیۆزێ ئەمریکا ل عێراقێ و جەنەرال تاونسێند فەرماندێ هێزێن ئەمریکا ل عێراقێ و کێن کرووس کونسولێ ئەمریکا ل هەولێرێ د کۆمبوونێ دا بەشداربوون.
تُتاح هذه الصورة أيضا في: کوردی