كەمپینا لالش یا رەوشەنبیری یا دووێ دەستپێكر
تۆرا لالش یا راگەهاندنێ
ب پشتەڤانیا پارێزگارێ دهۆکێ بەرێز”فەرهاد ئەتروشی” و بەرێز”شێخ شامۆ”سەرۆكێ دەستەیا بلندا بنگەهێ لالش ل دهۆكێ و ئەندامێ پەرلەمانێ كوردستانێ، رێكخراوا هاریكار،ئیرۆ29ئەیلولا 2016ێ،كەمپینا لالش یا رەوشەنبیری یا دووێ بۆ 100كچ و كورێن شنگالێ ل هاڤینگەها ناوچەدارییا زاویتە دهستپێكر.
ئەڤ كەمپینە بۆ 100كچ و كورێن شنگالێ ژ تەخ و بیاڤێن جودا جودا هاتیە ڤەكرن ودێ بۆ ماوێ هەفتیەكێ ڤەكێشت،دڤێ هەفتیێ دە چەندین سمینار و بەریكانە و برگێن هۆنەری و زانستی و سایكلوجی و رەوشەنبیری و مێژووی و سیاسەتا نەتەوەی دێ تێدا ئێنە پێشكێشكرن.
ئارمانج ژ كەمپینێ ئەوە بۆ هندێ پشكدار ژ رەوشا پەریشانا كەمپان قورتال بن،وەك بێنڤەدانەكێ و سەیران بۆ وان،هەم ژی مفایێ زانستی و رەوشەنبیری ژێ بكن.
تُتاح هذه الصورة أيضا في: کوردی