سامسۆنگ بەرهەمئانینا گالاکسی نۆت ٧ راگرت
ئێن ئارتى
بەرپرسەکێ کۆمپانیێ کو نەخواست ناڤێ خو ئاشکرا بکەت بۆ ئاژانسا نووچەیێن رۆیتەرز راگەهاند، کۆمپانیێ بۆ دەمەکێ نەدیار بەرهەمئانینا موبایلا گالاکسی نۆت ٧ راگرت.
ئەڤ ئێک ژی ل پشتی وێ ئێکێ هات ژبەر ئاریشەیەکا موبایلێ هەردوو نێتوۆرکی ئەی تی ئاند تی و تی موبایلا ئەمریکی فرۆتنا وێ راگرت.
هەیڤا بووری هەردوو کەنالێن یۆنها نیوز یێ کۆری و هێراڵد گرتە ڤیدیۆیەک بەلاڤکرن کو تێدا دەردکەڤیت موبایلا زیرەک یا وەلاتیەکێ کو ژ جۆرێ گالاکسی نۆت ٧بوویە د دەمێ شەحنکرنێ دا ئاگر ب پاتریا وێ دکەڤیت، پشترا کۆمپانیێ بریاردا ڤەکولینێ ل سەر وێ ئێکێ بکەت.
پشتی وێ ئێکێ ژی کۆمپانیا سامسۆنگ د بەیاننامەیەکێ دا راگەهاند، ئاریشەیا گەرمبوونا پاتریا مۆبایلێ ژبەر ئاریشەیەکا دەگەمەن بوویە کو د بەرهەمئانینێ دا نێگەتیڤ و پۆزەتیڤ د پاتریێ دا هاتیە دروستکرن، پشترا کۆمپانیێ راگەهاند ئاریشەیا مۆبایلێ چارەسەرکرنە و جارەکا دی دێ وی بەرهەمی بێخنە بازاری.
ئەڤ ئێک د دەمەکێ دایە کو چوارشەمبی یا بووری مۆبایلەکا گالاکسی نۆت ٧ د فرۆکەیەکا سەرنشینێن ئەمریکا دا ئاگر پێ دکەڤیت کو بریاربوو ئەو فرۆکە ل فرۆکەخانەیا لوسڤیل یا نێڤدەولەتی یا ویلایەتا کلتاکیا بەرەف بالتیمۆر گەشتێ بکەت، داخواز ژ سەرنشینان کر فرۆکەیێ ڤالا بکەن و ژبەر وێ ئەگەرێ ژی ئەو گەشت هاتە پاشخستن.
هێلا ئاسمانیا عیراقێ ژی د بەیاننامەیەکێ دا داخواز ژ سەرنشینان کر د گەشتێن ناڤبەرا عیراق و نیودەلهی دا موبایلا گالاکسی نوت دگەل خو دا نەئینە ناڤ فرۆکەیێ ژبەر چەند ئاریشەیان.
تُتاح هذه الصورة أيضا في: کوردی