دجەژنا جەمایێ دە نێزیكی 150 هەزار كەسان سەرەدانا پەرستگەها لالش كرن
تۆرا لالش یا راگەهاندنێ
د ئەڤ سالە ژی دا وەكی هەردوو سالێن بۆری رێورسمێن جەژنا جەمایێ ب بریارا جڤاتا روحانیا ئێزدیان نەهاتنە گێران،ژبەر گرتیێن ددەستێ داعشێ دا و كاودانێن نۆكە،لێ سەرەرای وێ یەكێ نێزیكی 150 هەزار كەسان سەرەدانا پەرستگەهێ كرن.
عرسان سەعید،بەرپرسێ زێرەڤانێن پەرستگەها لالشێ بۆ رۆژناما دەنگێ لالش خویاكر:”هەر چەندە رێورسم د جەژنێ دا نەهاتنە گێران،لێ ب هەزاران خەلكێ ئێزدی ب گشتی و شنگال ب تایبەتی سەرەدانا لالشێ درۆژێن جەژنێ داكرن،كو ل گۆر ئامارەكا نە فەرمی نێزیكی 150 هەزار كەسی د هەر هەفت رۆژا دا هاتنە پەرستگەهێ و خۆش بەختانە چ روودان و ئاریشە پەیدا نەبوون”.
دا زانین،د رۆژێن جەژنێ دا پلانەكە باش هاتبوو دانان و هەڤكاری دناڤبەرا مەدا هەبوو،هەروەسا خەلكێ ئامادەبوویی ژی د هەڤكاربوون گەل مە و سوپاسیا وان دكەین،چنكو ئەگەر ئەو خەلك نەی هاریكار بت دی ئاریشا پەیدا بن.
تُتاح هذه الصورة أيضا في: کوردی