رێڤەبهرێ پەروەردا شنگال و مامۆستایێن قوتابخانا برایەتی(تاآخي) سوپاسیێن خۆ دگەهیننە “شێخ شامۆ”
تۆرا لالش یا راگەهاندنێ
سەرۆكێ دەستەیا بلندا بنگەهێ لالش ل دهۆكێ،پێشوازی ل رێڤەبەرێ پەروەردا شنگالێ و مامۆستایێن قوتابخانێن برایەتی كر.
ئیرۆ رۆژا دووشەمبوویێ 31/10/2016ێ، رێڤەبەرێ پەروەردا شنگالێ و مامۆستایێن قوتابخانێن برایەتی سەرەدانا بنگەهێ لالش ل دهۆكێ كرن و ژلایێ بەرێز”شێخ شامۆ”سەرۆكێ بنگەهی ڤە هاتنە پێشوازیكرن.
دجڤینەكێ دە رێڤەبەرێ پەروەردا شنگال و مامۆستایان سوپاسیا سەرۆكێ حكوومەتا هەرێمێ و نڤیسینگەها وی و سەرۆكێ بنگەهێ لالش كر بۆ هەڤكاریێ لگەل پەروەردێ،ژبۆ ڤەكرنا قوتابخانا برایەتی(تاخی)و پشتەڤانیا وان یا بەردەوام بۆ تەخا قوتابیان و پەروەردێ و گوتن ل سالا چووی و ئەڤ سالە ژی تەخسیری ژمە را نەكرینە و دێ ل وی ئاستی بین و خزمەتا قوتابیان و كۆمەلگەها خۆدا بن ب شێوەیەكێ گشتی ،ل بەرامبەردە”شێخ شامۆ”دەست خۆشی ل رێڤەبەرێ پەروەدا شنگال و كادر و مامۆستا و رێڤەبەرێن قوتابخانێن برایەتی كرن،ئەوێن كو ل سالا چووی دە ل تەنگترین كاودان دا كارین پاشەرۆژا پتری هەزار قوتابیان خوەیی دەركەڤن و كاروانێ خووندنا وان نەهێلان بێتە سەكناندن و دەرئەنجام دە پلێن باش بدەست ڤە هاتن.
ژلایەكێ دیڤە،سەرۆكێ بنگەهێ لالش دیاركر:”مە ب ئەركێ خۆ زانیە ئەڤ سالە ژی ژسەرۆكێ حكوومەتا خۆ یا هەرێمێ بخوازن ،ئەڤ قوتابخانە یە بەردەوام بت دائەڤ قوتابیێن مە ژ خووندنێ بێ بەهر نەبن و دئەنجام دە ئیرۆ رازەمەندی هاتیە و دێ ل ژێر سیبەرا پەروەردا شنگال ب فەرمی کارێ خوە کەت.
هەروەسا شێخ شامۆ چەندین راسباردە و شرۆڤەکرن پێشكێشی وان كرن كو هەست ب بەرپرسیارەتیێ و وەك هەر قوتابخانەكا دی یا كوردستانێ وانا بدەنە قوتابیان و ژچارچۆڤێ پەروەردا شنگالێ دەرنەكەڤن و دمەسەلێن نەتەوەیی دە ب ئەركێ خۆ رابن و ژبۆ هشیاریا نەتەوەیی پێکڤەژیان و وەلات پارێزیێ ل ناڤ قوتابیان بخەبتن و بزاڤێ بکن قوتابیێن مە باوەری بخوە هەبە چونکە پێشەرۆژ وێ ل سەر ملێ وان بە.
هەروەسا چەندین كێماسی و كێشە و گرفت یێن دوەرگرتنا قوتابيان ده هەین هاتنە گفتوگۆكرن،ژلایێ خۆڤە شێخی سۆزدا ل پێجێبوونا خۆ كاربكت لگەل جهێن پەیوەندیدار بۆ نەهێلانا ئاریشان ل ڤان قوتابخانان،دا قوتابی خووندنا خۆ ب سەرکەفتیانە ببەنە سەرا. ل همبەر ڤێ چەندێ مامۆستایان سۆزدا ئەوا بکارن د خزمەت دا بن و ب بەرپرسانە کارێ خوە ئەنجام بدەن.
تُتاح هذه الصورة أيضا في: کوردی