پەرلەمانتارێن بریتانیا پشتەڤانییا خوە بۆ ھەرێما کوردستانێ دوپات کر

پەرلەمانتارێن بریتانیا پشتەڤانییا خوە بۆ ھەرێما کوردستانێ دوپات کر

waar – دهوك :

پەڕلەمانتارێن تەڤ ئالیێن سیاسی ل پەڕلەمانێ بریتانیایێ پشتەڤانییا وەلاتێ خوە بۆ ھەرێما کوردستانێ دوپات دکەن.

شاندا پەڕلەمانتارێن بریتانی ب سەرۆکاتییا جاک لۆپرێستی ئەڤ چەندە ب نێچیرڤان بارزانی سەرۆکوەزیرێن ھەرێما کوردستانێ راگەھاند و گۆتییە؛ ئەو ھاتینە لێکۆلینێ بکەن ب چ شێوە و د چ وار دا پشتەڤانیێ ل ھەرێما کوردستانێ بکەن.

ژ ئالیێ خوەڤە نێچیرڤان بارزانی سوپاسییا وەلاتێ بریتانییا کر بۆ وان ھاریکاریێن د وارێن مرۆڤاتی و سەربازی دا پێشکێشی ھەرێما کوردستانێ کرین و خواست ئەو پشتەڤانییە ل پاشەرۆژێ ژی یا بەردەوام بیت.

د ئالیەکێ دیێ ئاخفتنێن خوە دا نێچیرڤان بارزانی بەحسا ئاوارە و پەنابەرێن دەستێ تیرۆرێ کر ل ھەرێما کوردستانێ و ئاشکرا کر کو چاڤەرێ دھێت کرن ژ بەر ئۆپەراسیۆنا رزگارکرنا مووسلێ ھەژمارەکا زۆر بھێت ھەرێمێ، ھەروەسا بەحسا دلگرانییا پێکھاتەیێن جودا یێن دەشتا نەینەوا ب تایبەت کرستییان و ئێزدییان و دوپاتکر کو پێدڤییە ھاریکاری بۆ بھێت کرن بۆ ڤەگەراندنا باوەریێ بۆ وان تاکو ب کارن بزڤرن دەڤەرێن خوە.

تُتاح هذه الصورة أيضا في: کوردی