سەرکردەیەکێ شیعە: داعش دەستدرێژى کريه سەر زارۆكان
باسنيۆز:
سەرکردەیەکی شیعەی عێراقی رایدەگەیەنێت، کە چەکدارانی رێکخراوی توندڕەوی داعش دەستدرێژییان کردووەتە سەر منداڵانی عێراق.
رۆژی یەکشەممە 20ـی تشرینی دووەمی 2016، عەمار حەکیم، سەرۆکی ئەنجومەنی باڵای ئیسلامیی عێراق و سەرۆکی هاوپەیمانیی نیشتیمانیی شیعەکان لە بەیاننامەیەکدا رایگەیاند، ژیانی منداڵانی عێراق بەردەوام لە مەترسیدا دەبێت، تاوەکو داعش و رێکخراوە توندڕەوەکان لە عێراق بمێنن.
لە بەیاننامەکەیدا، کە بەبۆنەی رۆژی جیهانیی منداڵان بڵاوی کردووەتەوە، عەمار حەکیم باسی لەوە کردووە، کە داعش و رێکخراوە توندڕەوەکان دەستدرێژییان کردووەتە سەر مافی خوێندن، چاودێریی تەندروستی و دەروونیی و بگرە ژیانی منداڵانی عێراق.
لە مانگی حوزەیرانی 2014 و لە سەردەمی سەرۆک وەزیرانیی نوری مالیکی، دوای هەرەس هێنان و شکستی سوپای عێراق، شارۆچکەی حەویجە لە پارێزگای کەرکووک و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار لەلایەن چەکدارانی رێکخراوی توندڕەوی داعش داگیر کران.
تُتاح هذه الصورة أيضا في: کوردی