ئێزدی دێ دەست ب گرتنا رۆژیێن ئێزی كەن
تۆرا لالش يا راگههاندنێ
ئەندامەكێ جڤاتا روحانیا ئێزدیان دیاركر ل رۆژا 13/12/2016 دێ رۆژیێن ئێزدیان دەستپێكەن ، هەر كەسەكێ ئێزدی بیت سیێ رۆژیان دگریت ئانكو ل رۆژا 13، 14،15 هەموو ئێزدی دێ رۆژی بن ل رۆژا 16/12/2016 دبیتە رۆژا ئەینی دێ ئێزدی رێ و رسمێن جەژنا رۆژیێن ئێزی گێرن.
قەوال بەهزاد سلیمان، ئەندامی جڤاتا روحانیا ئێزدیان بۆ (باسنیوز) دیاركر جەژنا رۆژیێن ئێزی ئەڤ جەژنا پشتی سیێ رۆژێن رۆژیان دهێتە كرن دكەڤتیە د ئەینیا ئێكی دا ژ هەیڤا كانوونا ئێكێ ب هەژمارا رۆژهەلاتێ ئانكو ل حەڤتیا بهێت رۆژا سی شەمبیی و چارشەمبی و پێنچ شەمبی ئێزدی دێ ب رۆژی بن و رۆژا ئەینی رێ ورەسمێن جەژنی دهێنە كرن وەكو هەر جەژنەكا دێ ئێزدی ل قەستا نێشانگەهێن خاسێن خوە دكەن پاشی كۆم دبن دجنە جەژنا ئێكدو بۆ دەمێ نێڤرۆ زەلام ل جڤاتێ دچڤیێن هەكە هات و ئاریشەك هەبیت ل جڤاتێ دا چارەسەر دكەن.
خۆیا ژی كر ئێزدی ب شەڤی خوارنی دخۆن ب رۆژی هەموو نە چوو دخۆن نە چوو ڤەدخۆن هەتا دبیتە ئێڤار دەمژمیر پێنچ و چەند دەقیقەك ژ نوكە خۆارنی دخۆن پێدڤیە مرۆڤ ب نیەتەكا پاقژ رۆژی بگرت.
تُتاح هذه الصورة أيضا في: کوردی