جێگرێ پارێزگەرێ دهۆكێ: 900 زارۆیێن بێ سەمیانێد ئاواران ل دهۆكێ نە
تۆرا لالش يا راگه‌هاندنێ
جیگرێ پارێزگەرێ دهۆكێ دیاركر نێزیكی 900 زارۆكێن بێ سەمیان ل كەمپێن ئاواران ل پارێزگەها دهۆكێ نە ، 30% ئاوارە ل كەمپانە، ب رێژا پتر 65% ئاوارە ژ دەرڤەی كەمپان هەنە. پێدڤیە حكومەتا عیراقێ و جڤاكێ نێڤدەولەتی هەڤكاریا دهۆكێ بكەن بۆ خزمەتكرنا ئاواران.
بەهزاد عەلی ئادەم، جیگرێ پارێزگەرێ دهۆكێ بۆ (باسنیوز) دیاركر ئاوارە ئاریشێن یاسایی و جڤاكی و ساخلەمی و ئابۆری هەنە لێ نە هند مەزنن. زۆر پشتەڤانیی و خزمەتا ئاواران و پەنابەران دهێتە كرن، دووڤ شیانێن خوە ئیدارا دهۆكێ و خەلكێ دهۆكێ تەخسیری نەكریە لێ پیدڤیە حكومەتا عیراقێ ژی هەڤكاری بكەت و جڤاكێ نێڤدەولەتی ژی نەمینت بێدەنگ. پێدڤیە بهێن هاریكاریا ئاواران وپەنابەران بكەن، زارۆیێن بێ سەمیان پێدڤی پووتە دانێ نە. هەروەسا ژی كچ وژنێن ژ دەستێن تیرۆرستان رزگاردبن پێدڤی پووتەدانێ و هەڤكاریێ نە و هەر ئاوارەكی بهێت ژی پێدڤی هاریكاری هەیە.
ل پارێزگەها دهۆكێ 23 كەمپێن ئاواران و پەنابەران هەنە.
تُتاح هذه الصورة أيضا في: کوردی