سهقاناسیا ههرێمێ: پێلهكا بهفرێ ب رێڤهیه
waar – دهوك :
رێڤهبهریا سهقاناسی و بیڤهلهرزان ل ههرێما كوردستانێ راگههاند: پێلهكا بهفر بارینێ د رێدایه و ژ سێشهمبی تا رۆژا ئهینی دێ یا بهردهوام بیت.
د راگههاندنهكێ دا رێڤهبهریا سهقاناسی و بیڤهلهرزان ل ههرێما كوردستانێ ئاشكهرا كر: ههرێما كوردستانێ دێ كهڤیته بن كارتێكرنا پێلهكا بهفر و بارانێ ژ ئهنجامێ درێژبوونا كارتێكرنا فشارهكا بای ژ توركیا دهێت، زێدهباری هاتنا بارستهیهكا بایێ سیبیری بۆ سهر ههرێمێ.
دا زانین ژی: لگۆر پێشبینیان ، پشتی نیڤرۆ یا رۆژێن چوارشهمبی و پێنجشهمبی پتر ئهو پێله دێ دیاربیت و باران دێ ل دهڤهرێن جودا و ب رێژهیێن جودا باریت و كارتێكرنا وێ یهكێ تا رۆژا ئهینی دێ یا بهردهوام بیت.
د راگههاندنا رێڤهبهریا سهقاناسیێ دا هاتیه ژی: بهفر دێ ل پرانیا دهڤهرێن چیایی باریت و ئهگهرێن هاتنا بهفرێ ل سهنتهرێ پارێزگههێن دهۆك و سلێمانیێ ژی ههیه، زێدهباری نزمبوونا پلهیێن گهرمایێ لگهل زێدهبوونا لهزاتیا بای.
تُتاح هذه الصورة أيضا في: کوردی