تەحسین خدر فەقیر:بابێ من قوتابخانەیا هۆنەرێ كوردی بوو
ئەڤرۆ، كاروان باعەدری:
تەحسین خدر فەقیر ، سترانبێژێ چیایێ شنگالێ و كوڕێ هۆنەرمەندێ ناڤدارێ فلكلۆرێ كوردستان و چیایێ شنگالێ (خدر فەقیری) د دیدارەكا “رۆژناما ئەڤرۆ” دا بەحس ژیانا خۆیا پشتی كارەساتا شنگالێ و ئاستەنگیێن ل هەمبەری هۆنەرێ چیایێ شنگالێ و سترانێن خدر فەقیری دكەت.
ئەڤرۆ: تەحسین كیە ؟.
تەحسین خدر فەقیر : ئەز تەحسین خدر فەقیر فەقیرم ژ دایك بوویێ ساڵا 19978 ژ دایكبوومە ل گوندێ بۆرك یێ سەر ب قەزا شنگالێ ڤە ، و ئەم 7 براینە ، برایەكێ مە نها ددەستێ رێكخراوا تیرۆر یا داعشێ دایە ل 5/8/2014 ێ هاتبوو دەستەسەركرن و نها ئەم وەك مالبات ل خانكێ دئاكنجینە .
ئەڤرۆ: تە كەنگی دەست ب هۆنەری سترانبیژیێ كر؟
تەحسن خدر فەقیر: من ل ساڵا 1996 ێ دەست ب هۆنەری كر و ل گەل بابێ خۆ دچومە ئاهەنگان لێ ل سالا 2004 ێ هاتمە سەر شاشەیان راگەهاندنێ و ل وەختی من تەمبور و ستران دگۆتن .
ئەڤرۆ: تو بەهرا بتر كیژ جۆرێ سترانا دبێژی ؟
تەحسین خدر فەقیر : ئەز هەموو جۆرێن سترانێن فلكلۆری دبێژم و ب تایبەت یێن “شەڕان ” و ” ئەڤینیێ” .
ئەڤرو: چ هاتیە كرن بۆ سترانا “خدر فەقیری” ژ هەموو لایان ڤە ؟
تەحسین خدر قەقیر: ب شێوەیەكی گشتی بۆ ستران و سترانبێژێن شنگالێ هەر چ نەهاتیە كرنە ، هەتا نها هۆنەر و هۆنەرمەندێن شنگالێ دبێ ناسنامەنە و چ كەس خۆ ل وان ناكەتە خودان.
ئەڤرۆ: فەقیر خدر چ رۆل هەبوو د هۆنەرێ كوردیدا ؟
تەحسین خدر فەقیر: ب دیتنا من خدر فەقیر قوتابخانەیا هۆنەرێ بوو ، پشتی نەمانا سترانبێژ هۆنەرێ شنگالێ ب مللەكی لێ هاتیە .
ئەڤرۆ: رۆلێ وە د كارەساتا شنگالێ دا ژ لایێ هونەری ڤە چیە ؟
تەحسین خدر فەقیر: من سترانەك ل سەر كارەساتا شنگالێ چێكر ، و ئەگەر هاریكاری هەبا دێ من كارێن باشتر كربا .
ئەڤرۆ : تو ب كی سترانبێژی داخباری و كارتێكرن ل سەر تە كریە ؟ و بۆچی؟
تەحسین خدر فەقیر : ژبلی خدر فەقیری ژ بەر كو وی جهەكی تایبەت هەیە ، ئەوژی ( كاویس ئاغا و محمد شیخۆ و سەعید ) ، ژبەركو ئەڤە بنیات و سەركردەیێن هۆنەرینە .
تُتاح هذه الصورة أيضا في: کوردی