دهڤهرداریا تلكێفێ ب تهمامی هات كۆنترۆلكرن
waar -دهۆك:
فهرماندهیێ ئۆپهراسیۆنێن نهینهوا كۆنترۆلكرنا تهمام یا دهڤهرداریا تلكێفێ راگههاند و گۆت: نوكه كارێ پاقژكرنا تاخێن دهڤهرداریا ناڤبری دهێته كرن.
شانهیا شهری یا ئیراقێ ژ زارێ فهریق روكن عهبدولئهمیر رهشید یارهللا، فهرماندهیێ ئۆپهراسیۆنێن نهینهوا بهلاڤكریه: هێزێن سوپایێ ئیراقێ ژ ههر سێ بهرهیێن باشۆر و رۆژههلات و رۆژئاڤا، هێرشا كۆنترۆلكرنا دڤهرداریا تلكێفێ دهستپێكر و پشتی چهند دهمژمێران ب تهمامی هات كۆنترۆلكرن.
گۆت ژی: هێزێن وان بهردهوامن لسهر پاقژكرنا تاخێن دهڤهرداریا تلكێفێ و ئالایێ ئیراقێ لسهر ئاڤاهیێن وێ دهڤهرداریێ هاتینه بلندكرن.
هێرشا كۆنترۆلكرنا دهڤهرداریا تلكێفێ ئهڤرۆ سپێدێ ب پشتهڤانیا ئهسمانی یا فرۆكهیێن ههڤپهیمانان دهستپێكربوو.
تُتاح هذه الصورة أيضا في: کوردی