بارزانی: كوردستانا سهربهخوه نه خهونه
waar – دهۆك:
سهرۆكێ ههرێما كوردستانێ راگههاند؛ كوردستانا سهربهخوه خهون نینه و راستیهكه و بهردهوام كار ل سهر دهێته كرن.
د ههڤپهیڤینهكێ دا دگهل رۆژنامهیا واشنتۆن پۆست، مهسعوود بارزانی سهرۆكێ ههرێمێ باسێ سهرخوهبوونا كوردستانێ كر و گۆت: كوردستانا سهربهخوه نه دهنگۆیه و نه ژی خهونه، بهلكو راستیهكه و ژ دهستپێكا شورهشا كوردی ئارمانجا وی یا سهرهكی یه و یێ كار ل سهر دكهت و بدهستڤههاتنا وێ ئارمانجێ، ئێدی دێ ئهركێ وی ب داوی هێت.
دهربارهیی دهستبكاربوونا ترامپی بارزانی گۆت: ههرێما كوردستانێ ئامادهیه ههر هاریكاریهكا ئیدارهیا ترامپی بۆ ژناڤبرنا داعشێ بكهت، لێ پێدڤییه پشتی مووسلێ، ئهمریكا خوه ژ ئیراقێ نه ڤهكێشیت و شاشییا سالێن بۆری دووباره نهكهت، ژبهركو گهر پشتی 2003 ئهمریكا ل ئیراقێ مابا، داعش و گرۆپێن دی دروست نهدبوون.
دا زانین ژی كو هاریكاریێن سهربازی و سیاسی یێن ئهمریكا بۆ ههرێمێ گهلهك د گرنگبووینه، لێ پێدڤییه واشنتۆن ئێدی چهكێن گران بۆ هێزێن پێشمهرگهی بهنێریت.
بارزانی باسێ دهستههلاتا ئیرانێ ل ئیراقێ كر و دیاركر، كۆمارا ئیسلامی پهیوهندیێن باش دگهل حكومهتا ههرێمێ و پارتێن ههرێمێ ههنه، لێ ل ئیراقێ، دهستههلاتهكا تهمام ههیه و چو كهسان هندی ئیرانێ، دهستههلات ل ئیراقێ نینه.
تُتاح هذه الصورة أيضا في: کوردی