بارزانی: سهرهدانا بهرپرسێن بلندێن ئیتالی بۆ ههرێمێ رامانهكا كوور ههیه
waar-دهۆك:
وهزیرا بهرگرییا ئیتالیا، د كۆمبوونا دگهل سهرۆكێ ههرێما كوردستانێ دا، پشتهڤانییا وهلاتێ خوه بۆ هێزێن پێشمهرگهی دوپات كر و بارزانی ژی راگههاند؛ سهرهدانا بهرپرسێن بلندێن ئیتالی بۆ ههرێمێ رامانهكا كـــوور ههیه .
ئهڤرۆ ل سهلاحهدین، مهسعوود بارزانی سهرۆكێ ههرێما كوردستانێ، پیشوازی ل رۆبێرتا پیــنۆتی، وهزیرا بهرگرییا ئیتالیا و شاندا دگهل دا كر و د كۆمبوونێ دا، وهزیرا بهرگرییا ئیتالیا پهسنا رۆلێ پیشمهرگهی د شهڕێ دژی داعشێ دا كر و دیاركر، ئیتالیا شانازیێ دكهت كو هاریكارییا پێشمهرگهی كرییه و پشتهڤانییا وهلاتێ خوه ژی بۆ هێزێن پێشمهرگهی، دوپات كر.
ژ ئالیێ خوهڤه سهرۆكێ ههرێمێ راگههاند؛ بهرفرههكرنا پهیوهندیێن ئیتالیا و ههرێمێ جهێ مفا و خوشحالیی یه و سهرهدانا بهرپرسێن بلندێن ئیتالی بۆ ههرێمێ رامانهكا كویر ههیه و دوپاتكر كو هاریكاریێن سهربازی یێن ئیتالیا بۆ پێشمهرگهی، كاریگهریــێن باش ههبووینه.
ههر د كۆمبوونێ دا، ههردو ئالییان باس ل ئۆپهراسیۆنا رزگاركرنا مووسلێ كر و راگههاندن، پێدڤییه روونشتڤانێن دهڤهرێن نوو رزگاركری ب تایبهت ژی پێكهاتهیێن ئێزدی و كریستیان، ب پشتراستی ڤه ڤهگهرنه سهر جهـ و مالێن خوه و رێكارێن وهها بهێنه وهرگرتن كو ئهڤ كارهساته دووباره نهبن و پێكهاتهیێن دهڤهرێ، ئێدی نهبنه قۆربانیا ههڤركییێن مهزههبی.
تُتاح هذه الصورة أيضا في: کوردی