وەلاتێن جیهانێ سۆزێن خۆ لگەل شنگالیان بجه نەئینان
تۆرا لالش یا راگەهاندنێ/كاروان باعەدری
بەرپرسەكێ قەزا شنگالێ رادگەهینت،زۆربەیا وەلاتێن جیهانێ یێن سۆزداین هێزێن نەیاسایی ژ شنگالێ دەربێخن و دەست ب دووبارە ئاڤادانكرنا وێ بكن، هەتا نۆكە چ سۆزێن خۆ لگەل شنگالیان بجه نەئیناینە،هەتا بارودۆخ ئارام نەبت،دەڤەر هیچ ئارامیەكێ ب خۆڤە نابینت.
وەیس نایف،سەرۆكێ جڤاتا قەزایا شنگالێ بۆ رۆژناما دەنگێ لالش دیاركر:”هەتا كو بارودۆخێ شنگالێ ئارام نەبت،دەڤەر هیچ ئارامیەكێ ب خۆڤە نابینت،چنكو چەندین هێزێن نەیاسایی ل قەزایێ هەنە و ئەگەرێ سەرەكی یێ نەڤەگەریانا خەلكێ وێ نە،هەروەسا زۆربەیا وەلاتێن جیهانێ سۆز ب خەلكێ شنگالێ دابوو وان هێزان دەربێخن و دەست ب دووبارە ئاڤادانكرنا وێ بكن،بەلێ هەتا نۆكە چ سۆزێن خۆ لگەل شنگالیان بجه نەئیناینە،ژبەركو شنگالی خوازیارن ڤەگەرنە مال و مولكێن خۆ و ئەو دەڤەرێن خۆ ب خۆ ئاڤەدان بكن”.
نایف تەكەزكر:”هەتا كو بارێ ئێمناهیا شنگال ئارام نەبت،عێراق هیچ ئارامیەكێ ب خۆڤە نابینت،حكومەتا هەرێما كوردستانێ هەموو پێنگاڤ هاڤێتینە و ماستەرپلانەكە باش ئامادەكریە بۆ دووبارە ئاڤەدانكرنا شنگالێ”.
تُتاح هذه الصورة أيضا في: کوردی