بارزانی دێ پشكداری كۆنگرهیا ئاسایشا نێڤدهولهتی بیت
waar – دهۆک:
چاڤهڕێ دهێته كرن، رۆژا ئهینی كۆنگرهیا ئاسایشا نێڤدهولهتی یا میۆنشن دهستپێبكهت و مهسعوود بارزانی سهرۆكێ ههرێما كوردستانێ ژی پشكدار ببیت.
ل گۆری زانیارییان، كۆنگرهیا ئاسایشا نێڤدهولهتی یا سالا 2017، ل رۆژا ئهینی یا بهێت، ب پشكدارییا نزیكی 500 سهرۆك و سهركرده و كهسایهتیێن وهلاتێن جیهانێ، دێ ل باژارێ میۆنشن ل ئهلمانیا دهستپێكهت و مهسعوود بارزانی سهرۆكێ ههرێما كوردستانێ ژی، ب فهرمی ژبۆ كۆنگرهیی هاتیه داخواز كرن و چاڤهرێیه د چارچووڤێ كۆنگرهیی دا، ههژمارهیهكا كۆمبوونان دگهل مهزنه سهركردهیێن وهلاتێن جیهانێ بكهت.
ئهڤه دوهم ساله بارزانی پشكداری گۆنگرێ میۆنشن دبیت و سالا بووری ژی، بارزانی د كۆنگرهیی دا، پشكداری پهنهلهكی ل دۆر (جیۆپۆلیتیكا نوویا سیاسی ل رۆژههلاتا ناڤین) بوو و باس ل ئاسایشا رۆژههلاتا ناڤین و سهركهفتنێن هێزێن پێشمهرگهی و رهوشا داراییا ههرێمێ كربوو.
هاتیه راگههاندن، كو سێ مهزنه بهرپرسێن ئیدارهیا نوویا ئهمریكا و ئهمیندارێ گشتی یێ نهتهوهیێن ئێكگرتی و ئهمیندارێ ناتۆیێ، دگهل سهرۆك و سهرۆكوهزیر و وهزیرێن دهرڤهیێن ههژمارهیهكا وهلاتان پشكداربن.
تُتاح هذه الصورة أيضا في: کوردی