پێلهكا دی یا بهفر و بارانێ دێ ههرێمێ ڤهبگریت
WAAR-دهۆك:
رێڤهبهریا سهقاناسیا ههرێمێ راگههاند: سبه دێ پێلهكا دی یا بهفر و بارانێ ههرێمێ ڤهگریت و پێشبینی ژی دهێته كرن، بهفر ل سهنتهرێ باژارێن دهۆك و سلێمانیێ بباریت.
د راگههاندنهكێ دا سهقاناسیا ههرێمێ ئهڤرۆ بهلاڤكریه: لگۆر پێشبینیان ئهڤرۆ ل باژارێن ههولێر و سلێمانی و دهۆك و كهركووكێ، ئهسمان دێ نیڤ عهور بیت، لێ سبه دهلیڤهیا بهفر بارینێ ل دهڤهرێن چیایی ههیه و دهێته پێشبینیكرن ل سهنتهرێ باژارێن دهۆك و سلێمانیێ بهفر بباریت.
لگۆر پێشبینیێن سهقاناسیا ههرێمێ، ل ئهڤ ساله پترین رێژهیا بارانێ ل دهڤهرا دینارته یا سهر ب پارێزگهها دهۆكێ ڤه باریه كو تا نها 428 ملیمێن بارانێ بارینه و كێمترین رێژه ژی ل دهڤهرداریا خهبات یا سهر ب پارێزگهها ههولێرێ باریه و تنێ 97 ملیمێن بارانێ بارینه.
ههروهسا سهقاناسیا ههرێمێ ئامارا بهفر بارینا 24 دهمژمێرێن بۆری ژی ئاشكهرا كریه و دایه زانین: ل دهڤهرا حاجی ئۆمهران 55 سانتیمهترێن بهفرێ بارێنه كو زێدهترین رێژهیه ل سهرتاسهری كوردستانێ و ل ئامیدیێ ژی 44 سانتیمهتر بارینه.
تُتاح هذه الصورة أيضا في: کوردی