نێچیرڤان بارزانی: رهوش بهر ب باشتر دچیت
WAAR – دهۆک:
سهرۆكوهزیرێن ههرێمێ پێشوازی ل بالیۆزێ نوو یێ رۆسیایێ ل ئیراقێ كر و شاندهكا وهزارهتا دهرڤه و كۆمپانییا گاز پرۆم یا رۆسیایێ كر، شاندا مێهڤان دیاركر: رۆسیا ژ ئالیێ ئابۆری ڤه گرنگییهكا باش ب ههرێمێ ددهت.
لگۆر راگههاندنهكا مالپهرێ فهرمی یێ حكومهتا ههرێمێ بهلاڤكرییه: نێچیرڤان بارزانی سهرۆكوهزیرێن ههرێمێ پێشوازی ل ماكسیم ماگسیمۆل بالیۆزێ نوو یێ رۆسیایێ ل ئیراقێ و ڤهلهریان شۆڤایهر جێگرێ رێڤهبهرێ گشتی یێ بهشێ رۆژههلاتا ناڤین و باكۆرێ ئهفریقیا ل وهزارهتا دهرڤه یا رۆسیایێ و شاندهكا كۆمپانیا گاز پرۆمێ كر.
د دیدارێ بالیۆزێ نوو یێ رۆسیایێ ل ئیراقێ دیاركر: وهلاتێ وی گرنگییێ د دهته پهیوهندییێن د ناڤبهرا خوه و ههرێما كوردستانێ دا و ل ڤان نێزیكان دێ سهرهدانهكا دی یا ههرێمێ كهن.
دا زانین ژی: رۆسیا ژ ئالیێ ئابۆری ڤە، گرنگییێ د دهته ههرێمێ و هاندانا كۆمپانییێن وهلاتێ خوه و ب تایبهتی كۆمپانییا گاز پرۆم ددهت د بیاڤێ تێهنێ دا وهبهرهێنانێ د ههرێمێ دا بكهن، ژ بهركو دهرفهتێن باش یێن كاركرنێ ل ههرێمێ ههنه.
ژ ئالیێ خوهڤه، نێچیرڤان بارزانی، سهرۆكوهزیرێن ههرێمێ هیڤیخواستن پهیوهندییێن دو ئالی د ناڤبهرا ههرێمێ و رۆسیایێ دا بهردهوام بن و دا زانین: ههرێم ههردهم پشتهڤانێ وهلاتێن دۆسته ژ بۆ هاتنا كهرتێ تایبهت یێن وهلاتان وهبهرهێنانێ د ههرێما كوردستانێ دا بكهن.
گۆت ژی: رهوشا ههرێمێ یا بهر ب باشتر دچیت و كۆمپانییێن رۆسی د ههمی بیاڤان دا دكارن وهبهرهێنانێ ل ههرێمێ بكهن، سهبارهت كۆمپانییا گاز پرۆم ژی، بارزانییێ سهرۆكوهزیر دیاركر: گاز پرۆم نهك تنێ كۆمپانییهكا رۆسییه بهلكو یا نێڤدهولهتی یه و ل دهمێ بهێت حكومهتا ههرێمێ دێ پشتهڤانییهكا زێدهتر ل كارێن وێ ل ههرێمێ كهت، داكو كارێن خوه بهرفرههتر لێ بكهت.
تُتاح هذه الصورة أيضا في: کوردی