كچهكا ئێزدى كلتۆرێ ئێزدیا گەهاندە وەلاتێ ئیتالیا
تۆرا لالش یا راگەهاندنێ
كچەكا ئێزدی یا فۆتۆگرافەر،ب رێیا فۆتۆیا ئێش و ئازار و ئاریشێن ئاوارە و كلتۆرێ ئێزدیا دگەهینتە وەلاتێ ئیتالیا،رادگەهینت كو بەشەكێ زۆر ژ خەلكێ وی وەلاتی ب كەیسا ئێزدیان حەسیان.
فۆتۆگرافەر”خەولە شەمۆ”تەمەن 22سالە و خەلكا قەزا شنگالێ یە و نۆكە ل كەمپا خانكێ دژیت، بۆ رۆژناما دەنگێ لالش دبێژت:”وێنەگرتن و فۆتۆگرافی حەزا من بوو،ل كەمپێ بەشداری خۆلەكا راهێنانا فێربوونا كارێ فۆتۆگرافیێ بووم كو بۆ 10كچێن ئێزدی هاتبوو ڤەكرن،بۆ ماوێ دوو سالا یا بەردەوام بووم وپاش دگەل رێكخراوا( RDO)من كارێ دروستكرنا چیرۆكان بۆ نەخۆشیا ب سەرێ كچ و ژن و زارۆكێن ئێزدیان دا هاتی نڤیسن،هەروەسا سێ فۆتۆیێن من ب ناڤێ (ژیان ل كەمپا خانكێ)د پێشانگەهەكا شێوەكاری دا ل ڤێ داویێ ل وەلاتێ ئیتالیا هاتنە نمایشكرن و ب رێیا وان فۆتۆیا ئێش و ئازار و ئاریشێن خەلكێ مە یێ ئاوارە و كلتۆرێ ئێزدی گەهاندنە وەلاتێ ئیتالیا و بەشەكێ زۆر ژ خەلكێ وی وەلاتی ب ڤان فۆتۆیا ب كەیسا ئێزدیان حەسیان”.
شەمۆ ئاشكەراكر:”بەردەوامم ل سەر كارێ خۆ و نۆكە كار ل سەر دروستكرنا پەرتۆكەكێ دكەم،ل سەر فەرمانا ب سەرێ ئێزدیان دا هاتی یە و دێ ب زمانێن كوردی و ئەرەبی و ئینگلیزی بت”.
تُتاح هذه الصورة أيضا في: کوردی