بارزانی: سهرخوهبوونا كوردستانێ دێ پرۆسهیهكا دوور ژ تۆندوتیژییێ بیت
WAAR-دهۆك:
سهرۆكێ ههرێما كوردستانێ راگههاند؛ سهرخوهبوونا كوردستانێ دێ پرۆسهیهكا دوور ژ تۆندوتیژییێ بیت و چارهنڤیسێ دهڤهرێن كوردستانی ژی، تنێ دێ ژ ئالیێ خهلكێ وان دهڤهران ڤه هێته ئێكلاكرن.
ل گۆری مالپهرێ فهرمی یێ سهرۆكایهتییا ههرێما كوردستانێ، ئهڤرۆ مهسعوود بارزانی سهرۆكێ ههرێمێ، دگهل شاندهكا ناڤهندا دیالۆگا رافیدهین كۆمبوو، كو ژ ههژمارهیهكا كهسایهتییێن سیاسی و فهرههنگی و پهڕلهمانتار و نڤیسهر و میدیاكارێن ئیراقی پێكهاتبوو و تێدا بارزانی باس ل پاشهرۆژا پهیوهندییێن ههولێر و بهغدا كر و دیاركر، ب درێژاهییا دیرۆكا دهولهتا ئیراقێ، گهلێ كورد قوربانییێن مهزن داینه، لێ گهلێ كورد چو جاران كریارێن دژی مافێن مرۆڤی نهكرینه و پهنا بۆ تۆلڤهكرنێ نهبرییه.
بارزانی دا زانین ژی: كو پشتی ههرفتنا رژێما بهعس، وی باوهریفهكا تهمام ب دامهزراندنا ئیراقهكا فیدرال و دیمۆكرات ههبوو، لێ ئالیفێن بهغدا فهرههنگا گهف و بنپێكرنا شهراكهت و پشتگوهخستنا كوردان بكارئینا و بریارێن حكومهتا ئیراقێ ژی بهروڤاژی دستووری بوون، لهو گهلێ كورد چو جاران بهرپرس نینه ژ وان نههامهتییێن ب سهر ئیراقێ دا هاتین، بهلكو كار گههشته هندێ، كو قووتێ خهلكێ كوردستانێ بهێته بڕین.
سهرۆكێ ههرێما كوردستانێ ئاشكرا ژی كر؛ د چو جهێن جیهانێ دا، ئێكگرتنا ب زۆری سهرنهگرتییه و سهرخوهبوونا كوردستانێ دێ پرۆسهیهكا دوور ژ تۆندوتیژییێ بیت و چارهنڤیسێ دهڤهرێن كوردستانی ژی، تنێ دێ ژ ئالیێ خهلكێ وان دهڤهران ڤه هێنه ئێكلاكرن و نابیت چو كهس و ئالی، سیستهمهكێ ب زۆری ل وان دهڤهران بچهسپینن.
تُتاح هذه الصورة أيضا في: کوردی