ئەنجوومەنێ وەزیرێن هەرێما كوردستانێ دێ كۆمبت
رووداو-هەولێر
ئەنجوومەنی وەزیرانی هەرێمی كوردستان سەبارەت بە چوار پرس كۆدەبێتەوەو لە کۆبوونەوەکەدا گفتوگۆ لە باجەكان و چاكسازیی لە وەزارەتی دارایی دەكرێت.
محەممەد هاودیانی، وەزیری كاروكاروباری كۆمەڵایەتی بە تۆڕی میدیایی رووداوی راگەیاند: “سبەی پێنجشەممە 16-3-2016 ئەنجوومەنی وەزیران بە سەرپەرشتی سەرۆكوەزیران كۆبوونەوەی ئاسایی خۆی لەسەر چەند پرسێك ئەنجامدەدات”.
رووداو زانیویەتی كۆبوونەوەی ئەنجوومەنی وەزیرانی هەرێمی كوردستان لە سەر چوار بڕگە دەبێت.
یەكەم: خستنەڕووی سەردانی قوباد تاڵەبانی، جێگری سەرۆكی حكومەتی هەرێمی كوردستان و شاندی یاوەری بۆ دەڤەری گەرمیان كە لە كۆتایی مانگی شوبات ئەنجامیدا.
دووەم: خستنەڕووی چەند بڕیارێك سەبارەت بە چاكسازی لەبواری باجەكان لە وەزارەتی دارایی لە چوارچێوەی نەخشەرێگەی چاكسازی و نوێبوونەوەی ئەو وەزارەتە.
سییەم: خستنەڕووی نەخشەرێگەی بەرەنگاربوونەوەی ماددە هۆشبەرەكان لە هەرێمی كوردستان.
چوارەم: سەبارەت بە مۆڵەتی خوێندن و سیستەمی هاوكاری دارایی بۆ خوێندن و زەمالە لە دەرەوەی هەرێمی كوردستان.
تُتاح هذه الصورة أيضا في: کوردی