ئهڤرۆ بیرهوهرییا 29 ێ یا كێمیابارانا ههلهبجهیه
WAAR-دهۆك:
ئهڤرۆ 29 سال ل سهر كێمیا باران كرنا باژاڕێ ههلهبچه ژ ئالیێ رژێما بهعسا ژناڤچوویی ڤه دهرباز دبن؛ كو ب ئهگهرا وێ پتری پێنج هزار كهسێن سڤیل شههید كهفتن؛ و درێورهسمهكێ تایبهت ژی دا؛ ئهڤرۆ ل وی باژێڕی دهێته گێڕان.
سالانه ل ههرێما كوردستانێ ئهڤ یادا خهمگین دهێته ل بیر ئینان، ئهڤ ساله ژی ل تهڤاهییا باژاڕێن كوردستانێ چالاكی ههنه، ل باژاڕێ ههلهبجه یا شههید ژی، رێورهسمهكا مهزن هاتییه رێكخستن و د رێورهسمان دا پشتی مارشا نهتهوهیی و راوهستیان ل سهر گیانێ شههیدان، چهندین پهیڤ هاتنه خواندن، دیسان، چهندین ستران د وان رێورهسمان دا كو دهربڕین ژ كارهساتا كیمابارانێ دكرن ژ ئالیێ هۆنهرمهند و تیپێن هۆنهری هاتنه گۆتن.
دهێته چاڤهڕێكرن ئهڤرۆ پشتی نیڤرۆ ژی چهندین چالاكی ههبن ژ وان ژی پهنهلهك ل دۆر بیست ونههـ سالییا جینۆسایدا ههلهبچه و ب نێڤدهولهتیكرنا وێ كهیسێ و قهرهبووكرنا زیان ڤێ كهڤتییان.
ههر ئهڤرۆ و سات دو دێ دو شانوگهری هێنه نیشاندان و سات سێی پشتی نیڤرۆ ژی؛ دێ پێشانگهههكا هونهری هێته ڤهكرن و دیسان دو كورتهفلم ب ناڤێن ؛بهرههمی جهنگ )و( كامل ل دووڤ جهێ ههناسێ د گهڕیت)، دێ هێنه نیشاندان.
ههر دیسا ژی دێ قارهمانییا شههیدێن كیمابارانا ههلهبچه ژی بۆ قارهمانێن سلێمانی، ههلهبچه و گهرمیان هێته گێڕان.
تُتاح هذه الصورة أيضا في: کوردی