عەزیز وەیسی من ٢٩ سترانێن ئامادەکری هەنە
ئێن ئارتى
هونەرمەند عەزیز وەیسی کو ئەڤ هەیامەکە سەرەدانا کوردستانێ نەکریە، بۆ ئاهەنگا جەژنا نەورۆزێ دێ سەرەدانا سلێمانیێ بکەت و د ئێکەم داخویانی ژی دا بۆ ئێن ئاڕ تی دوو بەحسێ کارێن خو یێن هونەری دکەت.
د داخویانیەکا تایبەت دا بۆ ئێن ئاڕ تی دوو، هونەرمەند عەزیز وەیسی گۆت، نویترێن کارێ من یێ هونەری چەند رۆژان بەری نها بوویە ب هەڤبەشی دگەل هونەرمەندێ فارسی (موحسن ئەمیری) کو مە ب هەردوو زمانێن کوردی و فارسی گۆتنە.
وی هونەرمەندی ئەو ئێک ژی ئاشکرا کر، وی نها ٢٩ سترانێن ئامادەکری هەنە و تنێ ٦ ستران ژ وی بەرهەمی کلیپ کرنە و ل پشتی جەژنا نەورۆزێ دێ دەست ب کلپیکرنا بەرهەمێن دی بکەم، و تنێ ئەس بۆ دەمێ دوو رۆژان دێ ل سلێمانیێ بمینم بۆ ئەنجامدانا چەند ئاهەنگان و پشترا دێ ڤەگەرمە ئەوروپا.
د بەشەکا دی یا گۆتنێن خو دا ئاشکرا کربە، کو بۆ ئێکەمجار ئیسال من بەشداریا فلمەکێ کۆمێدی کریە ب ناڤێ (رێکا بەختوەریێ)، بەری نها ژی د فلمێ هونەرمەند بەهمەنی قوبادی دا من بەشداری کریە لێ هەیا نها ئەو فلم نەهاتیە بەلاڤکرن.
عەزیز وەیسی ژدایکبوویێ رۆژهەلاتا کوردستانێ یە ل باژێرێ جوانرۆ و خودانێ چەندین ئەلبۆم و کلیپانە ژبلی هەبوونا چەند کلیپان ب هەردوو زمانێن کوردی و فارسی، دیماهیک کارێ وی یێ هونەری ژی بەلاڤکرنا کلیپەکێ بوویە ب ناڤێ (شای گۆڵان).
پ.چ
تُتاح هذه الصورة أيضا في: کوردی