پهڕلهمانێ سكۆتلهندا كۆمكوژیێن داعشێ ل شنگالێ ب جینوساید ناساندن
WAAR – دهۆک:
پهڕلهمانێ سكۆتلهندا ب پترییا دهنگان، كۆمكوژیێن تیرۆرستێن داعشێ ل شنگالێ، ب جینوساید ناساندن و داخواز ژ بریتانیا ژی كر، زیانڤێكهفتییێن وێ كارهساتێ، وهكو پهنابهر وهربگریت.
د روونشتنا خوه یا ئهڤرۆ دا، پهڕلهمانێ سكۆتلهندا، پێشنیازا پهرلهمانتار بهن ماكفیرس خسته بهڕ دهنگدانێ كو تێدا داخوازكربوو، كۆمكوژییێن داعشێ ل شنگالێ ب جینوساید بهێنه ناسكرن و هند ژ زیان ڤێ كهفتییێن وێ ل بریتانیا وهكو پهنابهر بهێنه وهرگرتن و داعش و كهسێن كو هاریكارییا تیرۆرستان كرین، بهێنه سزادان.
د روونشتنێ دا، ب پترییا دهنگان ئهو پێشنیاز هاته پهسهندكرن و ، كۆمكوژیێن داعشێ ل شنگالێ، ب جینوساید هاتنه ناساندن.
ههر د ڤێ دهربارێ دا، نهتهوهیێن ئێكگرتی سوپاسیا وی پهڕلهمانتاری و پهڕلهمانێ سكۆتلهندا ب گشتی كر و راگههاند؛ ئهڤ بریارا پهرلهمانێ سكۆتلهندا، دێ دلێ ههموو ئێزدییان روونكهت.
تُتاح هذه الصورة أيضا في: کوردی